Нэгэн үе шинжлэх ухаанч залуусын оюуны их уурхай, мэдсэн сурснаа туршиж зохион бүтээх гол талбар болж байсан “Залуу техникчдын ордон”-г дахин сэргээн, зохион бүтээгчдийн нэгдсэн төв болгоё гэсэн уриалгыг 2012 онд Монголын Залуучуудын Холбооноос гаргаж байсан юм. Энэ хүрээнд залуучуудын амьдрал, нийгэм, соёл хөгжлийн асуудлыг цогцоор нь шийдвэрлэхэд хийж гүйцэтгэвэл зохих ажлын жагсаалтыг МУ-ын Засгийн Газрын тэргүүн Н.Алтанхуяг болон Нийслэлийн засаг дарга бөгөөд Улаанбаатар хотын захирагч Э.Бат-Үүл нарт хүргүүлж байсан аж.

ёөы

Дээрх жагсаалтын дунд “Залуу зохион бүтээгчдийн ордон”-г  сэргээж, үндсэн зориулалтаар нь эргүүлэн ашигладаг болгож өгөөч гэсэн санал байсан ч ямар нэгэн хариу өгөөгүй таг чиг байсан аж. Уг асуудлыг МЗХ-ны Ерөнхийлөгч А.Мөнхбат  дахин сөхөж өөрийн твиттер хуудсандаа БШУ-ны сайд Л.Гантөмөрт хандан “Хүүхдүүд зохион бүтээх ордноо зориулалтаар нь ашигламаар байна” гэсэн жиргээг саяхан нисгэж байсан билээ.

бй

Тэгвэл цагаан сарын өмнөхөн УИХ-ын дарга З.Энхболд МҮОНТ-ийн “Та хариулахгүй ч байж болно” нэвтрүүлэгт оролцох үеэрээ “Залуу техникчдийн ордон”-г хүүхэд, залуучууддаа буцааж өгнө гэдгээ амласан юм. Мөн тэрээр “Улс орныг инженерүүд нь авч явдаг гэдэгт би хатуу итгэлтэй байдаг. Яагаад гэвэл инженерийн боловсролдоо анхаарлаа хандуулсан улс хөгжиж байна. Өнөөдөр нийгэмд хэн үнэлэгдээд байна зохиолчид, бөхчүүд, дуучид их үнэлэгддэг, нөгөө инженерүүд хаана байна. Бид инженерүүдээ дээш нь гаргаж ирэхгүй бол улсын хөгжил явахгүй. Өөрийнхөө инженерүүдэд сайн цалин өгөхгүй бол өөр улс орны инженерийн хийсэн юмыг л худалдаж авна. Тиймээс “Залуу техникчдийн ордон” алга болсон одоо буцаах тухай асуудал яригдаж байгаа” гэсэн юм.

бй

П.Наран