АН-ын сэтгүүлчидтэй хийдэг “4:11” уулзалт Төрийн ордонд боллоо. Уулзалтад АН-ын Ерөнхий нарийн бичгийн дарга Ц.Оюундарь, ЗГХЭГ-ын дарга Ч.Сайханбилэг нар оролцов. АН  энэ оныг дотоод сургалтын жил болгон зарласан тул сургагч багш нарыг бэлтгэх ажил хавраас эхлэх аж. Мөн сум бүрээс хоёр хүнийг Удирдлагын академид сургах юм байна. Намын дүрэмдээ өөрчлөлт оруулж батлах гээд нэлээд ажилтай байх тухай тус намын ерөнхий нарийн бичгийн дарга онцолсон. Харин Засгийн газрын хувьд энэ онд шинэ төмөр зам барих ажил эрчимжих юм байна.  Төмөр замыг барихтай холбоотойгоор Засгийн газар хуралдаж царигийн асуудлыг хэлэлцэнэ. Улмаар хуулийн төслийг УИХ-д өргөн мэдүүлэх бөгөөд царигийг хаврын чуулганаар хэлэлцэж эцсийн шийдвэрийг гаргах юм байна. Шинэчлэлийн Засгийн газар энэ онд бүтээн байгуулалтын ажлыг эрчимжүүлэхэд дөрвөн эх үүсвэрээс санхүүжилтийн татахаар болжээ. Үүнд нэгдүгээрт, төсвийн хөрөнгө оруулалт байхаас гадна Чингис бонд, Самурай бонд, гадаадын шууд хөрөнгө оруулалт, дотоодын хөрөнгө оруулалтыг татах чиглэлээр санхүүжилтийг босгох юм байна.  Зургаан аймгийг Улаанбаатар хоттой хатуу хучилттай авто замаар холбох ажлыг эхлүүлнэ. Өнгөрсөн жил ажил нь урагшлаагүй Хөвсгөл, Дорнодын авто замыг мөн ашиглалтад оруулж хүлээлгэн өгөх юм байна. Улаанбаатар хотын хэмжээнд өнгөрсөн онд “Гудамж” төслийн хүрээнд 18 уулзварыг өргөтгөсөн энэ онд 15 уулзварыг нэмж өргөтгөн ашиглалтад оруулах бол хурдны зам барих ажил эхлэх ажээ.

6

Тэд мэдээлэл хийснийхээ дараа сэтгүүлчдийн сонирхсон асуултад хариулсан юм.

6

-Бүтээн байгуулалтын санхүүжилтийн эх үүсвэр хэрхэн шийдэгдэх бол?

6

ЗГХЭГ-ын дарга Ч.Сайханбилэг:

-Засгийн газар бондын хөрөнгө оруулалтаар нэг их наяд төгрөгийг бүтээн байгуулалтад зарцуулна. Төсвийн хөрөнгө оруулалтаар 1,1 их наяд төгрөгийг мөн зарцуулна. Хувийн хэвшлийн бүтээн байгуулалтад хэр хөрөнгө оруулалт зарцуулагдахыг явцын дунд шийдэгдэнэ.  Шинээр батлагдсан хуулийн дагуу гадаадын хөрөнгө оруулалт нэлээд орж ирэх байх. Ерөнхий сайд гадаад улсад айлчлал хийхдээ хөрөнгө оруулалт босгодог гол газруудад очиж, хөрөнгө оруулалт татах чиглэлээр тодорхой ажил зохион байгуулна.  Тиймээс гадаадын хөрөнгө оруулалтын чиглэлээр оруулж ирэх мөнгийг энэ жил эрс нэмэхээр ажиллаж байна.  Мөн “Эрдэс Монгол”, “Эрдэс Тавантолгой” компаниудын хэвийн ажиллаад явах боломжийг нь бид түрүүлж мөнгө авснаас тасалдуулсан. Улс төрийн намуудын сонгуульд амласан бэлэн мөнгөний амлалтад тарааж өгсөн. Энэ гашуун туршлагаа хууль эрхзүйн хувь давсан. Тиймээс 2012 оны сонгуулиар бэлэн мөнгөний амлалт өгөөгүй, эрүүл сонгууль болсон. Харин одоо цэгцлэх асуудлыг шинэчлэлийн Засгийн газар хийж байна.  Тавантолгой компанийн экспортыг нэмэгдүүлэхээр бэлтгэл ажлууд хангагдаад явж байгаа.

6

-Төсөл хөтөлбөрүүдийг  ил тод байж чадах уу?

-Төсөл, хөтөлбөрүүдийг ил тод явуулж байгаа. Энэ төслүүдийг хамтдаа хэлэлцээд шийдвэр гаргана. Цалин, тэтгэврийн хувьд хугацаа хэлэлгүйгээр нэмэх зарчим барьсан. Бага тэтгэвэртэй хүмүүсийнх 207 мянган төгрөг болсон.

5

Н.Энх