Банкны системийн хэмжээгээр чанаргүй зээл өнгөрсөн нэгдүгээр сарын эцэст 581.9 тэрбум төгрөг болж, өмнөх сарынхаас 15.9 тэрбум төгрөг буюу 2.8 хувь, өмнөх оны мөн үеийнхээс 274.7 тэрбум төгрөг буюу 89.4 хувиар өссөн байна. Эндээс чанаргүй зээл нэмэгдэж, банкны салбарт хүндрэл үүсэх нь хэмээн шууд дүгнэх болохгүй аж. Учир нь чанаргүй зээлийн хэмжээ эрс өссөн нь зээлийн хэмжээ эрс нэмэгдсэнтэй холбоотой хэмээн тайлбарлаж байна. Өөрөөр хэлбэл, өнгөрсөн жил ипотекийн зээл эрс нэмэгдсэн. Ингэснээр нийт зээлийн хэмжээ нэмэгдэхээр дагаад чанаргүй зээлийн хэмжээ өсдөг. Тиймээс чанаргүй зээлийн бодит хэмжээг харьцуулж харахын тулд нийт зээлд эзлэх чанаргүй зээлийн дүнг харах ёстой аж.

А.Жаргал