Өнгөрөгч амралтын өдөр Тагнуулын ерөнхий газар шинэ залуу ажилтнуудынхаа гэр бүлийг урьж, байгууллагаа танилцуулах арга хэмжээг  зохион байгуулжээ. Залуу ажилтнууд гэр бүлийн хамтаар тагнуулын байгууллагын түүхэн замнал, үйл ажиллагааг харуулсан бичил музейг үзэж, удирдах албан тушаалтнуудтай уулзаж, сургамж зөвөлгөөг нь сонсож, хамтдаа нэг өдрийг өнгөрөөсөн байна. Уг арга хэмжээ нь Үндэсний эрх чөлөөний хувьсгалын 100 жилийн ойг тэмдэглэх хүрээнд хийгдэж буй ажил бөгөөд энэхүү хувьсгалыг ялалтад хүргэх, улс орны тусгаар тогтнолыг бэхжүүлэх үйлсэд тагнуулчдын гүйцэтгэсэн үүрэг, оролцоог олон нийтэд сурталчилан таниулах зорилготой юм.