16 настнууд иргэний үнэмлэхээ гардан авлаа
Нийслэлийн Сонгинохайрхан дүүргийн 62 дугаар сургуулийн 16 настнууд өчигдөр Монгол Улсын иргэний үнэмлэхээ гардан авлаа. Энэхүү үйл ажиллагааг дүүргийн Засаг даргын Тамгын газар, Бүртгэлийн хэлтсээс хамтран зохион байгуулсан бөгөөд энэ жил иргэний үнэмлэх авах Сонгинохайрхан дүүргийн 4000 орчим хүүхдийн төлөөлөл болгон тус сургуулийн 40 хүүхдэд иргэний цахим үнэмлэхийг нь гардуулан өгчээ.Арга хэмжээний үеэр дүүргийн Засаг дарга М.Чинболд хэлсэн үгэндээ "Иргэн үгүй бол улс оршихгүйн учир энэ өдрөөс эхлэн туурга тусгаар Монгол улсынхаа тулах нэгэн багана нь болж, Монгол улсын иргэний цахим үнэмлэх гардан авч байгаад та бүгдэд баяр хүргэе гээд хууль эрх зүй, уламжлал, зан заншлаа хүндэтгэн дагаж, гэр бүл, эх орныхоо гэгээн ирээдүйн төлөө сэтгэл оюун, эрч хүчээ дайчлан зүтгэж, тулхтай, туйлбартай хүмүүн болон төлөвшиж Монгол улсын иргэний нэр хүндийг өндөрт өргөж явахыг хүсэн ерөөе" гэжээ.
5
Д.Цэцэг
СЭТГЭГДЭЛ БИЧИХ