Нийслэлийн ИТХ-ын Тэргүүлэгчдийн ээлжит хуралдаан энэ сарын 20-ны өдөр болно. Хуралдаанаар Нийслэлийн нийтийн тээврийг хөгжүүлэх сангийн зөвлөлийн бүрэлдэхүүн батлах тухай, Авто худалдааны цогцолбор орон нутгийн өмчит аж ахуйн тооцоот үйлдвэрийн газар байгуулж, дүрмийг батлах тухай, Гэр хорооллын дахин төлөвлөлтийн үйл ажиллагааны журамд нэмэлт өөрчөлт оруулах тухай зэрэг асуудлыг хэлэлцэнэ.

Мөн НИТХ-ын ээлжит 15 дугаар хуралдааны товыг зарлаж, хуралдаанаар хэлэлцэх асуудлыг төлөвлөгөөг батлах юм. НИТХ-ын 15 дугаар хуралдаанаар “Авто худалдааны цогцолбор”-ын хэсэгчилсэн ерөнхий төлөвлөгөөг батлах тухай, НИТХ-ын хуралдааны дэгд өөрчлөлт оруулах тухай асуудлыг хэлэлцэн шийдвэрлэхээр төлөвлөжээ.Эдгээр асуудлыг НИТХ-ын Тэргүүлэгчид хэлэлцэн дэмжвэл НИТХ-ын 15 дугаар хуралдаанаар хэлэлцэх юм.