Кувейтийн эмир Шейх Сабах аль Ахмад эл Жабер эл Сабах өчигдөр улсынхаа парламентыг тараана хэмээн зарлажээ. Тус улсад сүүлийн үед арабын хаврын нөлөөгөөр төр засгийн бодлогыг эсэргүүцэгчид жагсаал цуглаан хийж эхэлсэн. Үүний улмаас Кувейтийн эмир нөхцөл байдлыг намжаахын үүднээс ерөнхий сайдаа огцруулсан юм. Харин одоо парламентыг тарааж улмаар шинэ сонгуулийн талаар ярилцахаар сөрөг хүчнийхэнтэй тохиролцож магадгүй гэнэ.