Өмнөд Солонгосын Тэань сууринд өчигдөр 5.1 магнитудын хүчтэй газар хөдлөлт болсон тухай “Yonhapnews.co.kr” мэдээллээ. Хүчтэй газар хөдлөлтийн чичиргээ Өмнөд Солонгосын нийслэл Сөүл, Инчон, Сосань хотуудад хүртэл мэдрэгдсэн гэв.

Тус улс 1978 оноос эхлэн газар хөдлөлтийг хянаж эхэлснээс хойш Өмнөд Солонгост болж буй гурав дахь хүчтэй газар хөдлөлтөд тооцогдсон тухай Аюулгүй байдлын яамнаас мэдэгджээ. Хохиролын хэмжээг тодруулахаар шинжээчид  Тэань сууринд ажиллаж байгаа аж.

Тэжон хотын цаг уурын газраас мэдээлснээр, “5.1 магнитудын газар хөдлөлт Тэань суурингийн баруун хэсгийн арлуудад болсон” гэжээ.

1978 оны есдүгээр сарын 16-нд Өмнөд Солонгосын Сонги уулын ойролцоо 5.2 магнитудын газар хөдөлж байсан билээ. Мөн 2004 оны тавдугаар сарын 29-нд Кёнсан аймгийн Үлжинь хошуунаас 80 км зайтай далайд 5.2 магнитудын газар хөдөлж, таван хүн амиа алдаж байсан юм.

Б.Дэлгэрцэцэг