Японы Ерөнхий сайд Шинзо Абэ “CNN” агентлагт ярилцлага өгөх үеэрээ Япон улсын Засгийн газар хоёр Солонгосын асуудалд санаа зовж буйгаа илэрхийлжээ. Тэрбээр “Хоёр Солонгос өчигдөр нэгнээ өдөөн хатгасан, харилцан буудалцаан зохион байгуулсан. Өнөөдөр өмнөд, хойд Солонгосын хилийн орчимд байрладаг баруун тэнгисийн маргаантай арал руу Хойд Солонгос дахин ойрын зайны тусгалтай хоёр пуужин байрлуулсан бол Өмнөд Солонгос АНУ-ын цэргийн хамтарсан сургуулилтын хүрээгээ тэлсээр Хойдын хилд ойртож, цэргийн сүр хүчээ үзүүлсээр байна. Хэрвээ өмнөд, хойд хоёр дайтвал хамгийн их хохирох улс бол Япон. Тэгэхдээ олон сая иргэний амь насыг хамгаалахын үүднээс өдөөн хамтгасан ямар ч үйлдлийг Япон улс хүлээн зөвшөөрөхгүй. Хэрвээ хоёр талаас дахин галт зэвсэг хэрэглэж, буудалцаан болбол Япон улс хөдлөнгөөс оролцох болно” гэж ярилцлагынхаа үеэр мэдэгджээ.

Хойд Солонгос өчигдөр өглөөний 5.30 минутын үед маргаантай арал дээр байрлаж буй Өмнөд Солонгосын цэргийн хуаран руу 15 удаа буудсан юм. Харин Өмнөд Солонгос Хойдод анхааруулга өгч хоёр удаа буудсан хэмээн “yonhapnews.co.kr” мэдээлсэн билээ. Харин Хятадын “Синьхуа” агентлаг дээрх мэдээллийг үгүйсгэж, “Хойд Солонгос 300, Өмнөд Солонгос120 гаруй удаа гал нээсэн” гэжээ.

Б.Дэлгэрцэцэг