Нийслэлийн Аялал жуулчлалын газраас тур оператор компанийн мэргэжлийн хөтөч тайлбарлагч нарт зориулсан “Музейд тайлбар хийх ур чадвар” сэдэвт сургалтыг зохион байгууллаа. Сургалтад “Женко тур бюро”, “Туул трэвел”, “Грийт Чингис” экспедишн,”Монбекон”, “Монголиа экспедишн”, “Мондесковери”, “Хорсбэк тур”, “Самар мэжик тур” зэрэг 20 байгууллагын 23 хөтөч хамрагдав. Сургалтын үеэр Г.Занабазарын нэрэмжит Дүрслэх урлагийн музей, Монголын Үндэсний музей, Монгол Цэргийн музей, Улаанбаатар хотын музей, Богд хааны ордон музей болон Чойжин ламын сүм музейд дадлага хийж музей тус бүрийн онцлох үзмэр, танхим хийгээд барилга байгууламжийн бүтэц, онцлог түүхийг музейн эрдэм шинжилгээний ажилтнуудаар тайлбарлуулав. Түүнчлэн “Нийслэл дэх түүхэн хөшөө дурсгал, барилга байгууламжийн тайлбар”, “Нийслэлийн түүх, Монголын зан заншил, Монгол гэрийн түүх”, хөтөч-тайлбарлагчийн мэргэжлийн ур чадвар ба анхаарах асуудлуудын талаар хөтөч-тайлбарлагч нар харилцан туршлага солилцов.

ааа

В.Бат