Малайзын зорчигч тээврийн “MH370” онгоцыг хайх ажиллагааг удирдаж буй багийн дарга Ангус Хьюстон хэвлэлийн бага хурал зарлаж “Австрали, Хятадын хайгуулын онгоц сураггүй болсон онгоцноос дохио хүлээн авсан тухай мэдэгдсэн” гэж “ВВС “агентлаг мэдээллээ. Малайзын “HMS Echo” илрүүлэгч хэрэгслийг тээвэрлэж буй Их Британийн хөлөг онгоц Энэтхэгийн далайд хар хайрцагнаас аккустик дохио хүлээн авсан байна. Хар хайрцгийг нь энэ сарын 15-наас өмнө олохгүй бол цэнэг нь дуусах аюултай байгаа гэнэ.

Австралийн эрлийн албаныхнаас “Хятадын Хайшин 01 усан онгоц өнгөрсөн долоо хоногийн баасан гарагт 37.5 килогерцийн дохио хүлээн авсан. Харин маргааш эхний дохио ирсэн хэсгээс 1.4 бээрийн зайд 90 секундын турш хоёр дахь дохио ирсэн” гэж мэдээлсэн байна.

Өмнө нь Хятадын хайгуулын төхөөрөмжид хоёр ч удаа далайгаас дохио ирсэн аж. Австралийн “Ocean Shield” хөлөг ч энэ дохиог хүлээн авсан гэнэ. Аврагчид Энэтхэгийн далайн гүнээс илэрсэн үл мэдэгдэх дохио сураггүй болсон онгоцных мөн эсэхийг тодруулахаар ажиллаж байгаа аж. Хятадын багийнхан дохио ирүүлсэн газраас 90 километрийн зайтай цагаан зүйл хөвж буй талаар мэдээлжээ.

Б.Дэлгэрцэцэг