Украин дахь Орос иргэд Донецк, Луханск хотын тусгай хамгаалалттай байруудыг эзэлсэн тухай “ВВС” агентлаг мэдээллээ. Луханск хотод жагсагчдыг зогсоох гэсэн цагдаа нар гудамж талбайг бүсэлсэн байна. Өчигдөр босогчид дээрх хоёр хотоос гадна Харьковын төр захиргааны байр руу хүчээр дайран орж, Оросын төрийн далбааг мандуулсан юм. Өнгөрсөн сард Украины Крымийн автономит мужийг Оросод нэгтгэсний дараа дахин эмх замбараагүй байдал үүссэн тул түр Ерөнхийлөгч Александр Турчинов Литви дэх айлчлалаа цуцалж, жагсагчидтай яаралтай хэлэлцээр хийхээр болсон байна.

Дээрх үйл явдлын улмаас АНУ-ын төрийн нарийн бичгийн дарга Жон Керри, яаралтай гурван улсын хэлэлцээр хийхийг санал болгосон ч ОХУ-ын гадаад хэргийн сайд Сергей Лавров хэлэлцээрт АНУ-ыг хөндлөнгөөс оролцохгүй байхыг санал болгожээ. Тэрбээр “Украинд оршин суудаг Орос иргэд тус улсын төр захиргааны байруудыг эзэлсэн асуудалд АНУ хөндлөнгөөс оролцохгүй байхыг сануулж байна. Оросын талаас хэлэлцээр хийхийг хүсвэл Украины шинэ Засгийн газар болон Ерөнхийлөгч Виктор Янукович гэх бүрэлдэхүүнээр хэлэлцээр хийх болно” гэжээ.

ОХУ-ын Ерөнхийлөгч В.Путин “National TV”-ээр мэдэгдэл хийж, Донецк, Луханск хотуудын захиргааны байруудыг эзэлсэн иргэдийг бууж өгөхийг хүсч, “Эв найрамдал бидэнд хамгаас чухал” хэмээн хэлжээ.

Б.Дэлгэрцэцэг