Онгон байгалийн амьд биес бүхэн өөрийн өнгө төрхтэй. Тэрхүү дор бүрнээ өвөрмөц, өөр өнгө төрхийг нь гэрэл зургийн хальснаа буулгах зорилготой уралдааны бариа ойртож байна. Тодруулбал, 2013 зургаадугаар сарын 5 буюу Дэлхийн байгаль орчны өдрөөр БОНХЯ, Монголын шувуу судлалын нийгэмлэг, МУИС, хамтран “Биологийн олон янз байдал mongolica- 2013” гэрэл зургийн уралдааныг 1 жилийн хугацаатай зарлаж байсан билээ.

ы

Энэхүү уралдаанд гэрэл зураг сонирхогчид, мэргэжлийн зурагчид ургамал амьтан, бичил биетэн, мөөг зэрэг онгон байгалийн амьд биесийн гайхамшгийг гэрэл зургийн агшинд буулгасан бүтээлээ комисст ирүүлж байна. Мэргэжлийн комисс тавдугаар сарын 1 хүртэл бүтээлийг хүлээн авч дуусах аж. Уралдаанд ирүүлсэн бүтээлийг “Гайхамшигт агшин ба хурд”, “Миний хөрөг /ургамал, амьтан, мөөг, бичил биетний хөрөг”, “Ховор ургамал ба амьтан” гэсэн төрлөөр шалгаруулалт  хийх аж.

ы

8 настай хүүхдээс авахуулаад 80 настай буурал хүртэл оролцож болох энэхүү уралдаанд ирсэн шилдэг 100 бүтээлээр үзэсгэлэн гаргах бөгөөд шалгарсан гэрэл зургууд цомогт хэвлэгдэх юм байна.

ы

П.Наран