УИХ-ын чуулганы хуралдаан үргэлжилж байна. Эрүүл мэндийн сайд Н.Удвалд гишүүн Д.Сумъяабазар агаарын бохирдол эрүүл мэндэд хэрхэн нөлөөлж байгаа талаар асуулга тавьсаныг хариулж байна. Агаарын бохирдол нь зүрх судасны өвчлөлд, хотын хүүхдийн цусан дахь хар тулгын төвшин эрүүл мэндэд нь сөргөөр нөлөөлөх хэмжээнд хүрчээ.  Эрүүл хот, дүүрэг, сум, баг  зэрэг үндэсний хөтөлбөр хэрэгжиж байгаа юм байна. ЭМ-ийн сайд Н.Удвал мэдээлэл хийснийхээ дараа гишүүдийн асуултад хариуллаа.

5

УИХ-ын гишүүн Д.Сумъяабазар:

-Иргэд агаарын бохирдлоос хэрхэн сэргийлэх вэ? Иргэдэд агаарын бохирдлоос сэргийлэхэд нь ямар арга хэмжээ авч байна вэ?

-Иргэдийг мэдээлэлтэй болоход сургалт сурталчилгааны ажил эрчимтэй хийнэ.

6

УИХ-ын гишүүн Су.Батболд:

-Хөдөө орон нутгаар иргэдтэй уулзаж байхад хамгийн их шүүмжлэлд өртөж байгаа салбар эрүүл мэнд байна. Энэ салбарыг яаж  хөгжүүлэх вэ гэж иргэд шүүмжилж байгаа. Сумдын түргэн тусламжийн машин шинэчлэгдэх шаардлагатай байна. Гэмтлийн эмнэлгийн асуудал бүтэн хоёр жил шийдэгдсэнгүй. Би таныг Эрүүл мэндийн сайдаар томилогдсон гэж ойлгож байна.

-Хамгийн их шүүмжлэгдэж байгаа салбар гэдэгтэй би санал нийлнэ. Намайг ажлаа авахад эм нь байгаад авч чаддаггүй, эмнэлэг нь байгаад хэвтэж чадахгүй байна гэж хүмүүс хэлж байсан. Шинэчлэл хийгдэж байгаа. Энэ салбарыг эдгээж, сэргээхэд их цаг хугацаа орж байна, гэсэн ч би чадна. Эрүүл мэндийн түргэн тусламжийн машиныг сольж байна. Гэмтлийн эмнэлэг асуудалтай байгаа. Эрүүл мэндийн сайдын мэдэлд бус улстөрчдийн мэдэлд орчихсон байна. Улс төрийн нөлөөллөөс гаргахад туслах хэрэгтэй байна.

6

УИХ-ын гишүүн С.Дэмбэрэл:

-Агаарын бохирдол монгол хүний эрүүл мэндэнд нөлөөлж байгааг та ямар баримт бичгээр УИХ-д оруулж ирсэн бэ? Эхлээд эрүүл чийрэг монгол хүн баймаар байна. Хүүхдийн төлөө за гэж хэлж байгаа бол хүүхэд ургаасаа эхлээд эрүүл төлжих хэрэгтэй байна.  Нэг яамны хэмжээнд шийдэх асуудал биш.

-Агаарын бохирдлын асуудал эрүүл мэндэд нөлөөлж байгааг зөвхөн Эрүүл мэндийн яамны хийх ажил биш. Бусад салбартай хамтарч түншлэл байгуулахаар ярьж байна. Бусад салбарын оролцоог эрүүл мэндийн чиглэлд ажиллуулах хэрэгтэй байгаа.

6

УИХ-ын гишүүн А.Бакей:

-Агаарын бохирдлын сөрөг нөлөөний улмаас манай улсын хүн амын хэдэн хувь нь хор хохирол  амсч байна вэ? Эрүүл мэндийн хохирол амсч байгаа иргэд жилдээ хичнээн төгрөгийн эрүүл  мэндийн эмчилгээ авах үүднээс хэдий хэмжээний зардал гаргаж байна вэ? Хөдөө аймгуудын төв ч бас бохирдолтой байна. Энэ талаар ямар арга хэмжээ авч байна.

-Хүний эрүүл мэндэд зүрх судас, амьсгалын тогтолцоо, ургийн гажигд нөлөөлж байна. Ургийн гажиг он гараад 157 хүүхэд төрөөд байна. Агаарын бохирдлоос хэдэн хувь нь гэдгийг тогтооно. Олон хүчин зүйл нөлөөлж байна. Хөдөө орон нутгийн агаарын бохирдлын орчны нөлөө нь адилхан байх болов уу. Бохирдлын хэмжээ нь хэр зэрэг байгаагаас хамаарна. Хэд хэдэн аймгийн сумын эмнэлгийг сум дундын эмнэлэг болгохоор Засгийн газарт оруулаад байна. Засгийн газрын хуралдаанаар шийднэ.

6

Гишүүд ийн асуулт асууж дууслаа. Өнөөдрийн чуулганы нэгдсэн хуралдаан ийнхүү өндөрлөлөө.

6

Н.Энх