Нью Йорк хотноо АНУ-ын Ерөнхийлөгч Барак Обамагийн санаачлагаар Европын холбооны тэргүүлэх орнууд Украины өнөөгийн асуудлаар шуурхай хуралдаж байгаа юм. Энэхүү хуралдаан Оросыг буруутгсан өнгө аястай өрнөж байгаа аж. Тус хуралдааны үеэр Обама биечлэн ирээгүй ч ОХУ-ын Ерөнхийлөгч В.Путинтэй утсаар ярьж, харилцан бие биедээ хүлээцтэй хандахыг санал болгосон тухай Цагаан ордны хэвлэл мэдээллийн албанаас мэдэгдлээ. АНУ-ын Ерөнхийлөгч өчигдөр орой Путинтэй 30 минут орчим утсаар ярилцсан гэнэ.

Обама, Путинд хандаж, “Хууль бус аргаар түрэмгийлэн авсан Крымийг Украинд буцаан өгч, шинэ Засгийн газрыг хүлээн зөвшөөрсөн тохиолдолд АНУ-аас Орост авч буй виз болон эдийн засгаа хоригоо цуцлах болно. Мөн Украины хил орчимд байрлаж буй ОХУ-ын цэргүүдийг яаралтай татах хэрэгтэй” гэжээ. Путин хариуд нь “Орос Крымийг түрэмгийлж аваагүй. Крымийн ард түмэн Орост өөрийн хүсэлтээр дагаар орсон. Украины хууль ёсны Ерөнхийлөгч бол Виктор Янукович. Януковчийн засгийн газар бол хууль ёсных” хэмээн хариулжээ.

Хоёр Ерөнхийлөгч Украины асуудлаар өмнө нь гурван ч удаа утсаар ярьсан боловч, ямар ч ахиц гараагүй юм. Обама, Путинд АНУ-д албан ёсны төрийн айлчлал хийх санал тавьсан ч тэрбээр татгалзсан билээ.

Б.Дэлгэрцэцэг