Украины хямрал, улс төрийн тогтворгүй байдал, эдийн засгийн уналт гэх мэт асуудлаар  АНУ, ОХУ, Европын холбоо, Киевийн Засгийн газрын Гадаад хэргийн сайд нар өнөөдөр Женевт хотноо дөрөв хоногийн хугацаатай уулзалтаа эхлүүлсэн тухай “ВВС” агентлаг мэдээллээ. Украинд өнгөрсөн оны арваннэгдүгээр сараас эхэлсэн хямралыг зохицуулах үүднээс Европын холбоо, ОХУ, АНУ, Украины шинэ Засгийн газрын бүрэлдэхүүн анх удаагаа хэлэлцээрийн ширээний ард сууж буй нь энэ юм. Тус уулзалтад Европын холбоог төлөөлөн Гадаад хэргийн асуудал хариуцсан дээд командлагч Кэтрин Эштон болон АНУ-ын Төрийн нарийн бичгийн дарга Жон Керри, ОХУ-ын Гадаад хэргийн сайд Сергей Лавров, Украины түр Засгийн газрын Гадаад хэргийн сайд Андрей Дещица нар оролцож байна.

Тэд уулзалтын хугацаанд Укрианд үүссэн зөрчил мөргөлдөөнийг энх тайвны аргаар шийдвэрлэх арга замыг эрэлхийлэх зорилготой байгаа аж. Өмнө нь АНУ, ОХУ-тай, Европын холбоо Украинтай хэлцэл хийж байсан боловч бүгд нэг дор уулзаж байгаагүй билээ.

Б.Дэлгэрцэцэг