УИХ-ын чуулганы танхимд гишүүдийн ширээн дээр хөл бөмбөг  тавьжээ. Учир нь энэ онд  хөлбөмбөгийн дэлхийн аварга шалгаруулах тэмцээн  Бразильд болно. Дэлхийн аварга шалгаруулах тэмцээний өмнө тавдугаар сарын 1-3-ны  өдрүүдэд Азийн хөл бөмбөгийн аварга шалгаруулах тэмцээнд Улаанбаатар хотноо болох юм. Энэ хөлбөмбөгийн аварга шалгаруулах тэмцээнд “Эрчим” баг Монгол Улсаа төлөөлөн оролцох аж. Эрхэм гишүүдэд мөн тоглолтын урилга өгчээ.  УИХ-ын дарга З.Энхболд “Манай хүүхэд залуус сүүлийн үед хөлбөмбөг их сонирхон тоглодог болсон. Та бүхний ширээн дээр байгаа хөлбөмбөг  чинь дэлхийн хөл бөмбөгийн аварга, Бразилийн хөлбөмбөгч  Рональдогийн хөлбөмбөг шүү. Улаанбаатар хотноо болох хөлбөмбөгийн аварга шалгаруулах тэмцээнийг та бүхэн үзэж сонирхоорой. Монгол Улсаа төлөөлөн тэмцээнд оролцох “Эрчим” багийн тамирчдадаа амжилт хүсье” гэлээ.

Н.Нягт