Хан-уул дүргийн 15 хорооны нутаг дэвсгэрт “Хурд” группын барьж буй “Хүннү-2222” хорооллын барилгаас 25 настай залуу Т унаж нас барсан хэрэг өчигдөр гарсан. Уг хэрэгт Эрүүгийн хуулийн 138 дугаар зүйлд заасан хөдөлмөр хамгаалалт аюулгүй ажиллагааны журам зөрчих гэсэн зүйлээр эрүүгийн хэрэг үүсгэн Хан-Уул дүүргийн Цагдаагийн I хэлтэст шалгаж байна.

gg Энэ талаар ЦЕГ-ын Хэвлэл мэдээллийн төвийн дарга хурандаа Б.Баатархүүгээс тодруулахад “Хэрэг өчигдөр гарсан болохоор нарийн зүйл тодорхойлж мэдээлэл өгөх боломжгүй. Тухайн байгууллага хөдөлмөр хамгаалал аюулгүй ажиллагааны журам зөрчсөн эсэх талаар нарийн шалгалтууд хийгдэнэ. Тодруулбал, тухайн байгууллага хөдөлмөр хамгаалал аюулгүй ажиллагааны журам зөрчиж алба хаагчиддаа зааварчилга хүргүүлээгүй, аюулгүй ажиллагааны хувцас хэрэглэл олгоогүй зүйл байгаа эсэхийг шалгана. Мөн ажилчин аюулгүй ажиллагааны журмыг зөрчсөн эсэх зэрэг бүх талаас нь шалгалт хийнэ” гэсэн.

fff Түүнчлэн бэхэлгээний бүс тасарснаас болж, осол гарсан талаар асуухад “Бэхэлгээний бүсийг эд мөрийн баримтаар хурааж авсан. Тасарсан ул мөр илэрсэн эсэхийг шинжээч тогтооно” гэдэг хариулт өгсөн юм.

ggg Б.Буд