УИХ-ын чуулганы нэгдсэн хуралдаанаар Эдийн засгийг эрчимжүүлэх тухай УИХ-ын тогтоолын төслийг хэлэлцэж байна. Гишүүд ажлын хэсгийнхнээс сонирхсон асуултдаа хариулт авч байгаа юм.

5

УИХ-ын гишүүн М.Зоригт:

-Оюутолгой хэзээ үр ашгаа өгөх вэ? Бид  татварт нь хөнгөлөлт үзүүлээд явж байгаа. Орон нутгийн аялал жуучлалыг хөгжүүлэхэд ямар дэмжлэг үзүүлэх вэ? Боомтын төмөр зам барих асуудал ямар шатанд байна вэ?

6

ЭЗХ-ийн сайд Н.Батбаяр:

-Монгол Улсын экспортын гол бүтээгдэхүүн эрдэнэс баялаг байдаг. Тийм учраас Бичигтээс  Хөөт руу, Хөөтөөс Сайншандтай холбогдсон төмөр зам барихаар ярьж байна.  Төрийн өмчит олон компани байна. Алдагдалтай ажиллаж байгаа компаниудын шаардлагагүйг нь татан буулгана.

"Оюутолгой"-н асуудлыг УИХ дээр шийднэ. Засгийн газар УИХ-аас өгсөн шийдвэрийн хүрээнд ажиллаж байгаа. Хамгийн гол нь Оюутолгойн уурхайн Монголын газар шороо. Бид газар шороондоо эзэн байж, ашиг шимээ хүртэж байх ёстой.

6

ССАЖ-ын сайд Ц.Оюунгэрэл:

-Аялал жуучлалын тухай шинэ хуулийг Засгийн газраас өргөн барина. Орон нутагт аялал жуулчлалын бүс зохион байгуулна. Хил орчмын газар нутагт аялал жуучлалыг хэрхэн хөгжүүлэх талаар хуулинд зохицуулалт  хийнэ. Ингэснээр хил орчмын аймгуудад аялал жуучлалыг хөгжүүлэх боломжтой болно.

6

УИХ-ын гишүүн Н.Энхболд:

-Эрх баригчид амьдрал хүндэрлээ гэдгийг хүлээн зөвшөөрлөө. Гэхдээ тайлбарыг монгол төгрөгний ханш уншсанаас боллоо гэж тайлбарлаад байх юм. Ханш юунаас болоод унасанд зөв дүгнэлт хэрэгтэй. Нөгөө талд нь гадаад худалдааны тэнцэл сайжирлаа гэж байна. Учир шалтгааныг нь тайлбарлах хэрэгтэй. Импорт олон арван хувиар багасч, экспорт буурсан. Яагаад гэвэл хөрөнгө оруулалт зугатаасан.

6

УИХ-ын дэд дарга М.Энхболд:

-Нэг хэсэг нь хямраасан, нөгөө хэсэг нь хямраагаагүй юм шиг хоёр янз ярьж болохгүй. Ерөнхий сайд иргэдтэй уулзах хэрэгтэй. Орхон, Сэлэнгэ аймагт очиход Ерөнхий сайд  ирчихээд бидэнтэй уулзаагүй гэж иргэд хэлж байна. Импортыг орлох бүтээгдэхүүнтэй байвал сайн.  Гэтэл импорт нь буурчихаад байгаа учир гадаад худалдаа ашигтай байгаа юм. Энэ хямралын байдлаар оруулж ирсэн зүйл нь бараг буруу болчих гээд байна. Хямрал болоогүй байхад  хямралыг хэлэлцүүллээ гэж УИХ-ын дарга буруудах гээд байгаа.

6

ЭЗХ-ийн сайд Н.Батбаяр:

-Цаашдаа юу хийх вэ гэдгээ харах хэрэгтэй. МАН-тай хамтарч ажилламаар байна. Гэтэл танай бүлэг биднийг хүлээж авахгүй байгаа.  Та хамтарч ажиллая гэхээр бүлгийн дарга С.Бямбацогт чинь хамтрахгүй гээд байна.

6

УИХ-ын гишүүн Г.Уянга:

-"Оюутолгой"-н 34 хувийг зарах асуудал яригдаж байна. Үүнийг хүлээн зөвшөөрч болохгүй. Энэ бол Монголын ард түмний өмч. "Оюутолгой"-н зовлон бол Монголынх.

6

Уул уурхайн сайд Д.Ганхуяг:

-Урт нэртэй хуулийн тухайд өөрчлөлт орохгүй.  Энэ хуулийн хүрээнд хоёр удаа Засгийн газрын тогтоол гарсан. 1336 тусгай зөвшөөрөл хамрагдсан. Энэ нь нийт тусгай зөвшөөрлийн 40 хувь юм.  Бид алсыг хараагүй тусгай зөвшөөрөл өгсөн учраас гадаадын хөрөнгө оруулалт буурах шалтгаан болсон. Гэхдээ гол мөрөнг  бодлогоор хамгаалах ёстой. Төрийн албан хаагчийн буруутай үйлдлээс хууль зөрчиж, тусгай зөвшөөрөл өгсөн. Нийт 116 тусгай зөвшөөрөл өгсөн байсан.  "Оюутолгой"-н 34 хувийг зарах асуудлыг яриагүй. 34 хувийг дотоодын болоод олон улсын хөрөнгийн биржийн дээр үнэлэгддэг болгохыг зорьсон.  УИХ-ын 40 дүгээр тогтоолд "Оюутолгой"-н компанийн хувьцааг толгой компанид  хөрвөдөг байх заалт хийгдээгүй.   Одоо "Оюутолгой" төсөлд нууж хаагаад байгаа зүйл байхгүй.

6

Н.Энх