Энэ жил “12 жилийн боолчлол” уран сайхны киногоороо “Оскар”-ын шилдэг туслах эмэгтэй жүжигчин болсон Кени улсын уран бүтээлч Лупита Нионго 2014 оны хамгийн сайхан бүсгүйгээр тодорсон билээ. Тэрбээр энэ оны сайхан бүсгүйгээр өөрийг нь сонгосон гэдгээ мэдсэнийхээ дараа “Twitter” хуудаснаа “Арьсны өнгө, үндэс угсааг минь тоолгүйгээр сайхан бүсгүйгээр тодруулсанд баярлалаа” хэмээн жиргэсэн юм.

1

Тэгвэл реалити шоуны од Ким Кардашиан өөрийн блогтоо 2014 оны хамгийн бүсгүй шалгаруулалтад Лупита Нионго тэргүүлсэнд сэтгэл дундуур буйгаа бичжээ. Ким “Лупита бол ухаантай бүсгүй болохоос хөөрхөн бүсгүй биш. Тийм биз дээ. Энэ бүхнийг бичсэний дараа намайг атаархаж байна гэж бодох байх. Тэгэхдээ ямар үндэслэлээр Лупитаг сайхан бүсгүйгээр сонгосныг гайхаж байна” хэмээн бичээд өөрийгөө Лупитатай харьцуулсан зургаа блогтоо байршуулсан байна.

“People” сэтгүүлээс явуулсан тус шалгаруулалтад Ким Кардашиан нэрээ дэвшүүлэхээс татгалзсан юм. Ким “Би үзэсгэлэнтэй гэдгээ мэдэрдэг. Хэрвээ энэ шалгаруулалтад надад хэн ч санал өгөхгүй бол эвгүй байдалд орох болно шүү дээ” гэжээ.

1

Б.Дэлгэрцэцэг