Монгол Улсын Ерөнхийлөгчийн зарлигаар “Оюутан-цэрэг” хөтөлбөр хэрэгжиж эхэлсэн билээ. Хөтөлбөрийн хүрээнд МУИС, ШУТИС, МУБИС , БХИС гэсэн дөрвөн сургууль дээр 69 их, дээд сургуулийн оюутнуудыг төвлөрүүлэн,  цэргийн эрдэм зааж байгаа юм байна.  Энэ хөтөлбөрийн эхний ээлжинд нийт  500 гаруй оюутан хамрагдаж байгаа аж. Оюутан-цэргүүд амралтын өдрүүдийн 09.00-12.00 цагийн хооронд хичээллэж Батлан хамгаалахын эрх зүй, ерөнхий тактик, галын бэлтгэл, тусгай бэлтгэл гэсэн дөрвөн төрлийн хичээлийг судалж байна.