Өмнөд Солонгосын “Sewol” хөлөг онгоц осолдоод 20 хонож байна. Онгоцтой хамт живсэн зорчигчдын гэр бүлийнхэн эсэргүүцлийн жагсаал зохион байгуулсан тухай “ВВС” агентлаг мэдээллээ. Зорчигчдын ар гэрийнхэн Ерөнхийлөгч Пак Ын Хэг хөлөг осолдоход гар бие оролцсон онгоцны ахмад болон багийн гишүүдэд өнөөг хүртэл ял ноогдуулаагүйд буруутгаж, Жиндо арал дээр эсэргүүцлийн жагсаал зохион байгуулжээ. Тэд гартаа “Ерөнхийлөгчөө үүргээ ухамсарлаач”, “Онгоцны ахмадыг шийтгэ”, “Багийн гишүүдийн царайг нийтэд ил болго”, “Аврах ажиллагааг удирдсан хүмүүсийг хал”, “Амиа алдсан зорчигчдын гэр бүлд өгөх нөхөн төлбөрийг нэмэгдүүл” гэж бичсэн уриа лоозон барин жагсчээ.

Тус улсын Ерөнхийлөгч хоёр дахь удаагаа осол гарсан Жиндо арал дээр хүрэлцэн ирж, нөхцөл байдалтай танилцсан юм. Ерөнхийлөгч энэ үеэр эсэргүүцлийн жагсаал зохион байгуулсан хүмүүсийн төлөөлөлтэй уулзсан ч тодорхой үр дүнд хүрээгүй байна.

Б.Дэлгэрцэцэг