Баянгол дүүргийн III, IVхороолол буюу Энэбиш, Ард Аюушийн өргөн чөлөөг нийслэлийн худалдаа, үйлчилгээний гол  бүс гэж хэлж болно. Тиймээс худалдаа үйлчилгээ төвлөрсөн энэ хэсгийг бизнес эрхлэгчдийн санаачилгаар “Худалдааны гудамж” болгохоор төлөвлөжээ. Худалдаа, үйлдвэрлэл үйлчилгээ эрхлэгч аж ахуйн нэгж, байгууллагууд иргэдэд тав тухтай үйлчлүүлэх нөхцөл бүрдүүлэх, олон улсын жишигт хүрсэн худалдааны гудамж бий болгох зорилгоор “Худалдааны шинэ гудамж” төсөл санаачилсан юм байна. 2016 он хүртэл хэрэгжих төслийг Баянгол дүүргийн Засаг даргын Тамгын газраас дэмжсэн бөгөөд албан ёсны зөвшөөрөл авахаар нийслэлийн Засаг даргад хүсэлт хүргүүлээд байгаа аж.

ааа

Энэхүү төсөл хэрэгжсэнээр Энэбиш, Ард Аюушийн гудамжны авто замын тусгаарлах зурвасын ногоон байгууламжийг сэргээх, аж ахуйн нэгж байгууллагын хариуцах 50 метр газрыг тохижуулан, мод бут, сөөг тарих, ил задгай хог хаягдлыг цэвэрлэх, хог ачих зайг ойртуулах, гудамжны гэрэл, ногоон байгууламжийг нэмэгдүүлэх, гадна хаягийг нэгдсэн стандартад нийцүүлэх, реклам мэдээллийн самбаруудыг цэгцэлж, өнгө үзэмжийг сайжрах аж. Мөн ил задгай худалдаа эрхлэгчдийг ажлын байраар хангах, зөвшөөрөлгүйгээр газар эзэмшиж худалдаа, үйлдвэрлэл, үйлчилгээ эрхэлж байгаа иргэн, аж ахуйн нэгжийн агуулах сав, павильоныг нүүлгэн шилжүүлэх юм байна.

өөө

В.Бат