АН-ын бүлэг өчигдөр өдөржин хуралдсан.  Хуралдаанаар хэлэлцсэн асуудлын талаар АН-ын бүлгийн дарга Д.Эрдэнэбат сэтгүүлчдэд мэдээлэл хийлээ. Хяналт шалтгалтын тухай хуулийн төслийг хэлэлцээд шуурхай шийдэх хэрэгтэй гэж тус намын бүлэг үзсэн байна. Мөн Төрөөс боловсролын талаар баримтлах бодлогыг хэлэлцжээ.   Уг төсөлд  боловсролын чанарт шилжих, мэдлэгт суурилсан бүтээлч хүүхэд, залуучуудыг бий болгох, шинжлэх ухааны үндэслэлтэй шинэ технологийг үйлдвэрлэлд нэвтрүүлэх, иновацид оруулах бүтээлч залуучууд бий болгох, сургалтын чанар стандартад анхаарах зэрэг асуудлыг тусгасан учир дэмжихээр болжээ. АН-ын бүлгийн дарга Д.Эрдэнэбат мэдээлэлдээ:

4

-Төмөр замын асуудлаар холбогдох байгууллагууд хэлэлцээрүүдээ эрчимжүүлэх тухай яригдсан. Гаднын нутаг дэвсгэрээр эрдэнэс баялгаа тээвэрлэвэл ямар хэмжээгээр, ямар боомтоор тээвэрлэх нь удаашралтай байгааг шүүмжилж, эрчимжүүлэхийг шаардсан. ҮХАА-н сайд Х.Баттулга өргөдлөө өгсөнтэй холбогдуулан Ерөнхий сайдад  уг өргөдлийг хэлэлцээд УИХ-д оруулж ирэх чиглэл өгсөн гэлээ. Тэрбээр мэдээлэл хийснийхээ дараа сэтгүүлчдийн сонирхсон асуултад хариулсан юм.

5

-Эдийн засгийг эрчимжүүлэх асуудалд яамдын орон тоог хумхи сөрөг хүчний санал туссан болов уу?

-Засгийн газар Төсвийн тодотгол оруулж ирсэн. Яамдын асуудлаа хэрхэн оруулж ирэхийг харж байгаа. Манай бүлгийн гишүүд Засгийн газрын бүтэц, зохион байгуулалт цомхон байх асуудалд өөрчлөлт хийх ёстой гэж үзэж байгаа. Гэхдээ хугацааны хувьд ямар нөхцөлд ярих  вэ гэдэг нь хүлээгдэж байгаа.

5

-Төмөр замыг ямар царигтай байхаар санал нэгдсэн бэ?

-Өргөн барьсан тогтоолын хүрээнд царигийн асуудлыг УИХ шийднэ.  Бид үүнд цаг хугацаа хүлээхгүй байгаа.

5

-Х.Баттулга сайдын өргөдөлд АН-ын бүлэг ямар байр суурьтай байгаа вэ?

-Засгийн газраас Х.Баттулга сайдын талаар УИХ-д асуудлаа оруулж ирсэн нөхцөлд АН-ын бүлэг хэлэлцэнэ.

5

-Эдийн засгийн өршөөлийн үзүүлэх болов уу?

-Эдийн засгийн өршөөл гэхээсээ илүү ил тод байдлыг хангах асуудал юм.

5

-Үйлдвэр худалдааны сайдын  хэрэгжүүлж байсан ажлыг өөрөөр нь үргэлжлүүлэн хийлгэх үү, эсвэл?

-Үйлдвэр хөдөө аж ахуйн салбарт хийгдэж байгаа ажил их байгаа. Гэхдээ Х.Баттулга сайд өөрөө чөлөөлөгдөх өргөдлөө өгсөн учраас  Засгийн газар нухацтай авч үзэх хэрэгтэй.

4

-Засгийн газрын хуульд нэмэлт өөрчлөлт оруулах тухай хуулийн төслийг АН-ын бүлгийн ихэнх гишүүд дэмжээгүй. Гэхдээ зарим гишүүд нь уг хуулийн төслийг батлах санал өгсөн. Энэ нь АН дотроо хагаралтай, ойлголцолд хүрч чадахгүй байгааг харуулж байна уу?

-Давхар дээлийн асуудлаар АН Ерөнхийлөгчийн өргөн барьсан хуулийг дэмжих нь зүйтэй гэсэн байр сууриа илэрхийлсэн. Харамсалтай нь эцсийн хэлэлцүүлэг дээр Ерөнхийлөгчийн анхны өргөн барьсан хувилбар 180 градус эргэсэн. Ерөнхийлөгчийн төсөлд зөвхөн Ерөнхий сайд УИХ-ын гишүүн байна гэснийг Ерөнхий сайд болон үндсэн чиг үүргийн яам гэж өөрчлөгдсөн. Энэ хуулийг 2016 оноос мөрдөнө гэж заасан нь 2014 он болж орж ирсэн.   Тийм учраас эцсийн хэлэлцүүлэг дээр  АН Ерөнхийлөгчийн анхны өргөн барьсан төслийг дэмжинэ гэсэн байр сууриа  хатуу илэрхийлсэн гэж ойлгож болно. Засгийн газрыг тогтворгүй болгох хөндлөнгийн өдөөлтөд АН орохгүй гэдгээ илэрхийлсэн. АН хэзээ ч 100 хувийн саналаар асуудал шийдэж байгаагүй. Зарим гишүүд өөр өөрийн үзэл бодлоор байр сууриа илэрхийлснийг АН буруутгахгүй.

5

Н.Энх