АНУ-ын экс тэргүүн хатагтай Хиллари Клинтон “Боко Харам” бүлэглэлийн удирдагч Абубакар Шекауг дэлхийн номер нэг алан хядагч хэмээж, Нигерийн олон мянган охид бүсгүйчүүдэд аюул заналхийлэл учруулж буй түүнийг барихыг тус улсын Засгийн газраас шаардсан байна. Мөн экс Ерөнхийлөгч Жорж Буш “Боко Харам”-ын удирдагчийг Садам Хуссейн, Осама Бин Ладен шиг уйвагүй, алан хядагч хэмээж, нэн даруй хороох хэрэгтэй гэжээ.

Нигерь улсын Ерөнхийлөгч Гудлак Жонатан маргаашнаас эхэлж АНУ-ын холбооны мөрдөх товчооны 200 гаруй албан хаагч босогчдод хулгайлсан сурагч охидыг аврах ажиллагаа явуулахаар болсон тухай мэдэгдэж, туслалцаа үзүүлэхээ амалжээ.

Хэдэн хоногийн өмнө Абубакар Шекау хулгайлсан охидыг насаар нь ангилж, худалдаалсанаа мэдэгдсэн юм. Тэрбээр “12-13 настай охидыг 19 ам.доллар,14-18 насны охидыг зэргэлдээ хотууддаа 25 ам.доллароор зарж, 230 охины 149-ийг нь хүнтэй гэрлүүлсэн” гэж хэлсэн байна.

Б.Дэлгэрцэцэг