УИХ-ын чуулганы нэгдсэн хуралдаанаар Монгол Улсын 2014 оны төсвийн тухай хуульд өөрчлөлт оруулах тухай хуулийн төслийг хэлэлцэж байна.  Төсвийн тодотголын төслийг Ерөнхий сайд Н.Алтанхуяг танилцуулсны дараагаар гишүүдийн сонирхсон асуултад Засгийн газрын сайд нар хариулж байна.

5

УИХ-ын дэд дарга, МАН-ын дарга М.Энхболд:

-2013 оны гүйцэтгэлийг яагаад өгөхгүй байна вэ? Цалинг нууцаар нэмдэг болоод байна.  Цалинг хэдэн хувиар нэмэх вэ? Бондыг яагаад төсөвт оруулаагүй вэ? Нүүрсний үнийг яагаад бууруулсан бэ?

5

Сангийн сайд Ч.Улаан:

-2013 оны улсын нэгдсэн төсвийн тайлан гарсан. Аудит хийгдэж байна. Хуулийн хугацаанд буюу тавдугаар сарын 15-нд дуусна. Тодотголыг УИХ-ын 30 дугаар тогтоолоор өгсөн чиглэлийн дагуу 2014 онд "00" дүнтэй тусгагдсан объектуудыг задлан гаргасан. Урсгал зардлын зарим зүйл ангийг 10-30 хувиар хорогдуулах чиглэлийн дагуу оруулж ирсэн. 40 орчим тэрбум төгрөгийн урсгал зардал хэмнэхээр оруулж ирж байна. Улсын төсөвт нэмэлт өөрчлөлт оруулахдаа цалинг нэмэгдүүлэхээр 40 тэрбум төгрөгийн зарлагыг нэмэгдүүлнэ. Нийт дүнгээрээ төсвийн орлого, зарлагад өөрчлөлт орохгүй. Хоёр хувьдаа хангагдана.

5

Хөдөлмөрийн сайд Я.Санжмятав:

-Шинэчлэлийн Засгийн газар цалинг нэмэгдүүлэхдээ хөдөлмөрийн бүтээмжтэй уялдуулан хувь хэмжээг зарлахгүй байх бодлого баримталж байна. Хувийг ил зарлахаар инфляцид өөрчлөлт ордог. Засгийн газарт 200 тэрбум төгрөг баталж өгсөн. 100 тэрбум төгрөг цалинд зарцуулагдсан. Энд нууцлагдсан зүйл байхгүй. Эмч, үйлчлэгч, багш нарын цалин нэмэгдсэн. Засгийн газар авч хэрэгжүүлсэн арга хэмжээгээ үр дүнтэй боллоо гэж бодож байгаа. Цалин нэмэгдүүлэх чиглэлээр 35 тэрбум төгрөгийг нэмж оруулахаар төсөл өргөн барьсан.

5

Уул уурхайн сайд Д.Ганхуяг:

-"Эрдэнэс тавантолгой"-н үйл ажиллагаанд аудит хийхээр болж байгаа. 2013 онд зүүн Цанхийн нүүрсийг уурхайн аманд 35 ам.доллараар, баруун Цанхийг 40 ам.доллараар хийсэн. "Чалко"-той хийсэн гэрээ хоёр дүнгээс бүрдэж байсан.  Зах зээл хүнд байгаа учир компанийн захирлууд харилцан ашигтай гэрээ хийхээр тохиролцон ажилласан. Би "Чалко"-гийн Ерөнхийлөгч нартай гэрээний талаар ярьж байгаагүй. "Оюутолгой"-н далд уурхайн бүтээн байгуулалтын асуудалд нөгөө талын тоглолтод л орсон. Өөр нэмэлт санхүүжилт хийгдээгүй.

5

Монгол Улсын Ерөнхий сайд Н.Алтанхуяг:

-Одоо "Чалко"-той хийсэн гэрээнээс төлөөгүй үлдсэн 130 сая ам.доллар байгаа. Өндөр үнээс гэрээ хийснийг манай Засгийн газар бууруулсан зүйл байхгүй. Хятадын зах зээл дээр нүүрсний үнэ буурсан. Өнөөдөр дэлхийн эдийн засаг тогтворжиж эхэлсэн сураг гарсан. "Тавантолгой"-н нүүрс төдийлэн амжилттай сайн борлохгүй байсан. Өнөөдөр ахицтай байна. Одоо эдийн засаг өсөх хандлагатай байна. Гэрээг Засгийн газар өөрчлөөгүй.

5

УИХ-ын гишүүн Ч.Хүрэлбаатар:

-Төсвийн батлах үед 1384 ам.доллараар валютын ханш баталсан. Хаврын чуулган эхэлснээс хойш төлбөрийн тэнцлийн хямар боллоо гэдэг саналыг давтаж  эхэлсэн. Валютын ханш өнөөдөр 1800 ам.доллар байгаа. Гэтэл 1380 ам.доллараар оруулж иржээ.

4

Сангийн сайд Ч.Улаан:

-Төсвийн тодотгол хязгаарлагдмал хүрээнд хийгдсэн. Урсгал зардал дээр өгсөн чиглэлийн дагуу 10-30 хувиар хямдруулсан. УИХ-аас баталсан хууль тогтоолуудаар төсөв, захирагч хооронд гүйх зохицуулалт хийсэн юм. Тав хоногийн дотор иж бүрэн төсвийн тодотгол хийдэг бололцоо хязгаарлагдмал байсан. Хууль эрх зүйн зохицуулалт болгох ёстой. Засгийн газрын бүтэц бүрэлдэхүүнд өөрчлөлт оруулах тохиолдолд зохицуулалт хийдэг. Эдийн засгийн нөхцөл байдалтай уялдуулаад төсвийн зохицуулалт хийх шаардлага бий. Хуулиар тогтоосон болзол шалгуур хангагдвал Төсвийн иж бүрэн тодотголыг долдугаар сар өргөн барина.

5

ЭЗХ-ийн сайд Н.Батбаяр

-139 тэрбум төгрөг дээр задаргаа хийж өгсөн байгаа. Сүхбаатар аймгийн Халзан, Дарьганга суманд хоёр контор барих хэрэгтэй байгаа. Өөр зүйл байхгүй. Ханшийг тооцоод 1384 ам.доллар гэж оруулж ирсэн.

5

Ийнхүү сайд нар УИХ-ын гишүүдийн сонирхсон асуултад хариулж байна. Чуулганы хуралдаан үргэлжил байна.

5

Н.Энх