Жүжигчин Анжелина Жолигийн сүүлд тоглосон “Maleficent” киноны нээлт өчигдөр Нью Йорк хотноо болсон юм. Тэрбээр энэ үеэр нөхөр Брэд Питт болон том хүү 12 настай Маддокс нартай улаан хивсний ёслолд оролцсон билээ.

Жоли хэвлэлийнхэнд “Том хүү минь найз охинтой болохыг хүсч, Брэд бид хоёроос зөвшөөрөл авахаар уйгагүй шалгааж эхэлсэн. Үнэхээр гайхалтай. Би хүүгээ жоохон гэж боддог байсан. Тэгтэл том эр болжээ. Хөгжилтэй нь хүү минь “Maleficent” киноны Аура гүнжийн дүрд тоглож буй Элли Фаннитэй болзохыг хүсч байгаа” гэжээ.

Сэтгүүлчид хүүгээ 15 настай Эллитэй болзоонд явуулах эсэх тухай асуухад Жоли “Хүү минь балчир байна. 12 нас бол найз охинтой болох нас бус тоглоомоор тоглох нас” гэсэн бол Брэд “Хүүтэйгээ сайн ярилцах болно” гэж хариулжээ.

Б.Дэлгэрцэцэг