АНУ-ын Дорсет хотын даргаар хоёр дахь удаагаа дөрвөн настай Жорж гэх хүү сонгогдсон тухай “CNN” агентлаг мэдээллээ. Хотын шинэ даргын нэрийг малгайн дотроос “сугалж”, сугалааны журмаар сонгожээ. Санал хураалтад дуртай хүн бүр оролцох боломжтой гэнэ. Энэхүү арга хэмжээнд нэг ам.доллар хандивласан хүн бүхний өмнө нээлттэй байжээ. Дорсет хотын захирагчийн албан тушаал бэлгэдлийн чанартай ёс төдий зүйл юм. 1999 оноос Дорсет хотын удирдлагууд олны анхаарлыг татахыг тулд сугалаагаар хотын даргаа сонгохоор болжээ. Хотын даргаар сонгогдсон хүүгийн эцэг, эх хотынхоо сайн сайхны төлөө гэр бүлээрээ ажиллах болно гэж хотын иргэдэд амласан байна.

1

Хотын дарга Жорж өнгөрсөн жил мөн хотын даргаар сонгогдож байсан аж. Тэрбээр өмнөх жил буяны санд мөнгө цуглуулахаас гадна хот руу орох зам дээр шинэ тэмдэг, тэмдэглэгээ босгоход зориулж 250 мянган ам.долларын мөнгө цуглуулж байжээ.

1

Б.Дэлгэрцэцэг