УИХ-ын гишүүн, Үйлдвэр хөдөө аж ахуйн сайд Х.Баттулга Засгийн газрын гишүүнээсээ чөлөөлөгдөх хүсэлтийг өнгөрсөн долоо хоногт УИХ-д өргөн мэдүүлснийг хамтарсан Байнгын хорооны хуралдаанаар өчигдөр хэлэлцэж, шийдвэрээ гаргасан билээ. Уг хуралдаанд оролцсон 26 гишүүнээс 14 нь, сайд Х.Баттулгын хүсэлтийг хүлээн авч, Засгийн газрын гишүүнээс нь чөлөөлөхийг хүссэн. Хуралдааны үеэр УИХ-ын гишүүн Ц.Нямдорж сайд Х.Баттулгын булхайг илчилсэн олон баримтуудыг дэлгэн хэлсэнийг хүргэе.

4

УИХ-ын гишүүн Ц.Нямдорж: Х.Баттулгатай би 3 жил 6 сар нэг Засгийн газрын бүрэлдэхүүнд байсан юм. Сая Баттулга тэр гэрээг нууц байсан гэдэг үнэнээ олон нийтэд хэллээ. Би тэр гэрээг 2012 оны нэгдүгээр сарын зургаанд АН-ынхан Засгаас гарсны дараа нэгдүгээр сарын 20-нд олсон юм. Таван толгойг гартаа оруулах гэж Баттулга оролдоод Орос, Хятад, Солонгос гэх мэт  орнуудтай хэлэлцээ хийгээд, гэрээ нь ч байхгүй, улс хоорондын харилцаа ч байхгүй болгоод хаячихсан хүн л дээ.

4

Сая үнэнээ хэллээ чи. Би энэ Баттулгыг Засгийн газраас гарахдаа зүгээр ч нэг давхар дээлнээс болоод гараад явчихаж байна гэж ойлгохгүй байна. АН-ын сонгуулийн мөрийн хөтөлбөр хэрэгжих боломжгүй болоод, эдийн засаг уналтад ороод ирэхээр, сая тэр Солонгост сүйрдэг онгоцны капитан шиг багаа хаячихаад зугатаж байна л даа. Энэ бол Баттулгын хийдэг ажил. 2012 онд АН-ынхан Засгийн газраас гарахад Н.Алтанхуягаас өмнө Баттулга мэдэгдэл хийчих гээд байсан байхгүй юу. Тэгэхээр нь хулхидуулахгүйн тулд Н.Алтанхуяг нь сандраад түрүүлээд мэдэгдэл хийчихсэн байхгүй юу. Нэг ийм л сайдтай Монгол улс 6 жил боллоо доо. Хувийнхаа хөрөнгөөр 2008 оноос эхлээд төмөр зам 3 жилийн хугацаанд барьчих ажил хийгдэж байсан. Тэрийг сайд болонгуутаа зогсоосон, энэ нөхөр. Засгаас ямар ч мөнгө гарахааргүй, 2 компани хийж байсан ажлыг зогсоосон. Одоо зөвхөн энэ төмөр зам дээр 400 сая доллар улсаас гаргана гээд бондын мөнгөн дээр явж байна шүү дээ. Ямар хэрэг тарьсныхаа үр дагаварыг одоо энэ гишүүд ойгосон байх аа. Нэг сайн юм болоод байгаа. АН-ын УИХ-ын гишүүд, Засгийн газрын гишүүд “Энэ Баттулга хэн бэ” гэдгийг одоо нэг таньчихаад байгаа юм. Удахгүй ард түмэнд чиний үнэн нүүр танигдана аа. Мөн ч олон муу юм хийсэн дээ, Баттулга аа чи.

4

Т.Бадамжунайгийн үед төмс, хүнсний ногоо, гурилаар өөрийгөө хангадаг болчихсон байсан чинь чи хоёрхон жилийн дотор 100 мянган тонн улаан буудайг авч чадахаа байгаад сая татвараас чөлөөлүүллээ дээ. Хөдөө аж ахуйн сайд хийж 2 жил УИХ-д байхдаа чиний хийсэн ажил ганцхан энэ. Ийм л ажил байсан. Сайд нар огцруулах асуудал ярихаар чи УИХ дээр нэг орж ирдэг, татвар чөлөөлүүлэх болохоор нэг орж ирдэг, Засгийн газар дээр мөнгө нэхэх болохоор чи нэг орж ирдэг, бусад үед нь чи Засгийн газрын хуралдаа суудаггүй Баянголдоо хэвтэж байдаг чинь үнэн шдээ. Яг л ингэж ажиллаж байгаа. Ийм увайгүй этгээд сайдын ажлаа өгч байгаа нь зөв гэж бодож байна. Энийг хамгаалаад байх юм байхгүй. Энэ Засгийн газар Баттулгын тарьсан олон олон балгийн үр дагаврыг ард түмэнтэйгээ хамт үүрнэ ээ. Үүрнэ. Дандаа муу юм хийж, цаад талд нь балиар заваан юм хийж байдаг. Тэр “Маханзе” гэдэг компаниар 12 сая долларын урьдчилсан судалгаа маягийн юм хийлгэчихээд тэр 12 сая доллараас өөрийнхөө зөвлөх н.Ганбат гэдэг хүнд өмгөөлөх үйлчилгээний хөлс гээд 2 сая долларыг нь  өгчихсөн шүү дээ.

4

Мөн байх аа. Одоо тэр “Маханзе”-гийн баримт бичгээс хэрэглэж байгаа юм байхгүй. Ийм л юм хийдэг этгээд байгаа юм. Тэгээд энэ Засгаас зайлж байгаад чинь баяр хүргэж байна. Энэ Засгийнханд ядаж нэг ийм амьтнаасаа салж байгаад чинь талархал илэрхийлж байна. Төвөгтэй, энэнтэй ажиллахад.

6

Тангарагийн буг гэдэг юмыг энэ одоо Батхүүгийн талаар бичиж, бүтэн кино хийж ард түмэнд тавьлаа ш дээ энэ нөхөр. За над руу яахав, манайх руу дайрч болдог юм байж. Ядаж л хамт сууж байгаагаа ингэж болохгүй дээ, Баттулга аа. Хөгийн ч эр дээ. Тийм учраас би энэ саналыг нь дэмжиж байна. Мал аж ахуйд зөндөө юм хийчихсэн гэж байна. Худлаа шүү дээ. Чи газар тариаланг нь 100 мянган тонноор тасалж  хаяад, мал аж ахуйн талаар гарсан бодлого чинь бүүр 2008 оны УИХ-д эхэлчихсэн байсан юм. Т.Бадамжунайгийн үед эхэлсэн. Хөдөө аж ахуйн бирж л гэнэ. Тэр биржийн чинь хуулийг Бадамжунай надаар засаад өгөөч гээд гуйгаад сууж байсан юм. Тэрийг нь би хийж байсан юм. Бадамжунай тэр биржийг чинь байгуулчихсан юм. Тэр ноос, ноолуурын хөтөлбөрийг чинь Д.Балдан-Очир нарын санаачилсан төслөөр 2008 оны УИХ-д өгөөд эхэлчихсэн байсан юм. Ийм ийм юмнууд байгаа учраас чөлөөлөх нь зөв гэж бодож байна.

4

Ер нь бол энэ Баттулгыг чөлөөлөх асуудал биш ээ, Засгийн газрынхан. Энэ нөхөрийг ажлын хариуцлагаар огцруулах, төмөр замын төслөөр энэ этгээдийн хийсэн тэр бузар булай бүх юмыг ил гаргаж ирж ард түмэнд мэдэгдэж байж энийг зайлуулах ёстой байсан байгүй юу. Энэ дээр та нар алдлаа. Энэ зөвхөн Баттулгаар дуусах ёсгүй юм байгаа юм. Энэ Монголын төрд төрийн сайдын суудалд суучихаад хувийн балиар юм хийж төр улсыг хорлодог этгээдүүдийг дахиж гаргахгүйн тулд энэ Баттулга дээр хариуцлага ярих ёстой байсан юм. Хариуцлага ярих ёстой байсан юм. Одоо нарийн төмөр зам гээд оруулаад ирж байгаа биз дээ. Өөр хувилбар байхгүй шүү дээ.

55