Туркийн нийслэл Анкарагаас 250 км-ийн зайд байрладаг Сома дахь уурхайд дэлбэрэлт болж амиа алдсан уурхайчдын тоо 280 хүрсэн тухай “ВВС” агентлаг мэдээллээ. Уурхайчдын гэр бүл болон үйлдвэрчний эвлэлийнхэн “Уурхайчдын ажиллах нөхцлийн сайжруулах хэрэгтэй” гэж Истанбул хотноо эсэргүүцлийн жагсаал зохион байгуулж буй. Осол гарсан уурхайд очиж, нөхцөл байдалтай танилцсан тус улсын Ерөнхий сайд Рэжеп Тайип Эрдоганыг эсэргүүцсэн тэмцэгчид машиныг нь бүсэлж, огцрохыг шаардсан байна. Дээрх үйл явдлын дараа Эрдоган огцрохыг шаардсан нэг жагсагчийг супермаркетад алгадаж буй зураг Туркийн хэвлэлд нийтлэгджээ. Гэрчүүд “Ерөнхий сайд “Уурхайн ослоос илүү Туркт шийдвэрлэх асуудал их байна” гэж хэлээд хажуудаа зогсч байсан хүнийг алгадсан” гэж ярьсан байна.

1

Ерөнхий сайд “Уурхайд болсон дэлбэрэлтийг дэлхий нийтэд байнга тохиолддог зүйл” гэж хэлсэнийхээ төлөө олон нийтээс шүүмжлэл хүртсэн юм.  Мөн Эрдоганы туслах Юсуф Еркэл гэгч Сома хотын уурхайн ослыг эсэргүүцэгчийг өшиглөж буй зураг олон улсын хэвлэлүүдээр цацагджээ.

Б.Дэлгэрцэцэг