Монгол улсын нийтийн тээврийн салбарт цоо шинэ гэж болох РА-2 маягийн “Railbus”-ыг хүлээн авах ажиллагаа өнөөдөр Улаанбаатар төмөр зам өртөөн дээр боллоо. Энэхүү “Railbus” нь 136 хүний суудалтай, 350-400 хүн зорчих боломжтой бөгөөд Хотын даргын санаачилгаар Улаанбаатар төмөр замтай хамтран хэрэгжүүлсэн төслийн үр дүн ажээ.

sa

"Railbus”-ыг хүлээн авах ажиллагаанд хотын дарга Э.Бат-Үүл, Зам тээврийн сайд А.Гансүх, Улаанбаатар төмөр зам өртөөний удирдлагууд болон албаны хүмүүс оролцлоо. Төмөр замын автобусыг хүлээн авч анхны аялалыг Улаанбаатар өртөөнөөс Толгой өртөө хүрэхэд 10 минут л зарцуулж байсан юм.

a

Одоогоор тусгай зам байхгүй байгаа тул төмөр замын хөдөлгөөний урсгалд тохируулан өдөрт гурван удаа зорчихоор тооцоо гаргасан гэнэ. Дөрвөн тусгай зогсоол бэлдсэн уг зогсоолуудад нийтийн тээврийн хэрэгсэл очиж зогсон, иргэдэд үйлчлэх юм байна. Үнэ хөлсийг одоогоор  хэд байхыг шийдээгүй байгаа. Харин зориулалтын замтай болсоноор өдөрт зургаа удаа дээрх маршрутаар зорчино хэмээн албаныхан хэлж байна.

й

Энэ үеэр Хотын дарга Э.Бат-Үүлээс зарим зүйлийг тодрууллаа.

й

-Зогсоол, буудлын газрыг шийдэхэд эхний ээлжинд ямар асуудал тулгарч байна?

-Ирэх сарын 6-наас өмнө амжуулж зогсоол буюу буудлуудаа хийхээр төлөвлөж байна. Эхний ээлжинд зургаан зогсоол ашиглалтанд орох юм.

й

-Өдөрт гурван удаа явна гэсэн. Цагийн хуваарь нь гарсан уу?

-Төмөр замын гол тэнхлэг шугам дээгүүр олон улсын тээвэр яваад байгаа учир өдөрт гуравхан цагийн үйлчилгээ үзүүлэх боломжтой байна. Хос төмөр зам тавьчих юм бол өдөрт зургаагаас доошгүй тээвэрлэлт хийгээд байж болно. Л.Гансүх сайдын хэлж байгаагаар  ахиад нэг “railbus”  авна гэсэн. Ингээд хоёр “railbus” зорьж, солбиод яваад байна гэсэн үг. Хэрэв тэгвэл бид төмөр замын үйлчилгээг хангалттай хүргэж чадахаар болж байгаа.

й

-Хос төмөр зам яг хэзээ бэлэн болох бол?

-Төмөр замынхан богино хугацаанд Толгойтоос эхлүүлээд хийж байна. Бид ирэх хоёр жилийн хугацаанд хийж дуусгахаар төлөвлөж байна.

й

-Төмөр замын автобусыг хөдөлгөөнд оролцуулснаар нийтийн тээврийн хичнээн асуудлыг шийдвэрлэх вэ?

-Замын түгжрэл 30 хувиар буурна гэж мэргэжилтнүүд хэлээд байгаа. 30 хувь гэдэг асар өндөр тоо шүү дээ, маш том дэвшил юм.

й

-Дэд бүтэц шийдэгдсэнээр зам дагуух хөгжил ч шийдэгдээд эхлэх болов уу?

-Тийм. Адаглаад хотын зах гэдэг ойлголт байхгүй болно. Учир нь хүмүүс үүнийгээ дагаад л суурьшлын бүсээ нэмэгдүүлэх бололцоотой болчихно. 20 минут давхиад л тухайн иргэнийг Толгойт, Нарантуулд хүргэчихдэг нийтийн тээвэр байж байхад хотын зах гэдэг ойлголт байхгүй болно. Тэгэхээр шинэ суурьшлын бүсээ тодорхойлоод барилгажуулж эхэлж болно гэсэн үг. Өөрөөр хэлбэл, тэнд үйлчилгээ эрхлэх хүмүүс маш хурдан үйлчилгээтэй нийтийн тээврээр холбогдчихно. Ер нь нийтийн тээврээ дагаж хот хөгждөг. Төмөр замаа дагаад худалдаа үйлчилгээ бүх зүйл очно. Нөгөө талаар зам дагуух тохижилтод анхаарна.

й

-Шинэ “railbus” цагт хэдэн км цагийн хурдтай явах вэ?

-Цагт 160 км цагийн хурдтай явна. Жигдрэхээрээ тийм хурдтай явна. Өөрөөр хэлбэл, метротой адил хурдтай явахаар Биокомбанатаас Нарантуул хүрэхэд 20 минут л явна гэсэн үг. Бид хос замтай болчихоор явах замыг нь уртасгана. Шинэ суурьшлийн бүсүүд, алслагдсан дүүргүүдийн иргэдэд хүрсэн үйлчилгээ үзүүлэх юм.

й

Улаанбаатар хот 2020 он гэхэд метротой болж, дэлхийн сая гаруй хүнтэй метрополис хотуудын түвшинд хүрнэ хэмээн төлөвлөж буй. Тэгвэл энэхүү монголчуудаас хол хөндий байсан мөрөөдлийн эхлэл болсон “Railbus” төмөр замын автобус ирэх сарын 6-ны өдөр албан ёсоор иргэдэд үйлчилж эхлэх юм. Төлөвлөж буйгаар Толгойт өртөөнөөс Амгалан хүртэл дундаа зургаан удаа зогсоход дунджаар 45 минут зарцуулах тооцоотой байгааг УБТЗ-ын Замын аж ахуй хариуцсан орлогч дарга Д.Батбаатар хэлсэн. Тухайлбал, Толгойт өртөө-5 шар - УБ төмөр замын төв буудал - Дунд гол - Нарантуул - Жанжин клуб-Амгалан өртөө буудал байх аж. Харин нийслэлээс энэ ажилд зориулан дөрвөн байршилд нам тавцант зогсоол ашиглалтад оруулж, хуучин нэг зогсоолыг засварлахад зориулан 300 сая төгрөгийг гаргаж өгч байгаа аж. Энэ ажлыг УБТЗ хариуцан ажиллаж байгаа ба энэ зогсоолуудын орчимд нийтийн тээврийн автобус зогсох зогсоолуудыг байгуулахаар төлөвлөсөн байна.

5

5

5

П.Наран

Гэрэл зургийг Б.Бат