ОХУ-ын Ерөнхийлөгч В.Путин БНХАУ-ын Ерөнхийлөгч Си Жинпиний урилгаар Азийн хамтын ажиллагаа, итгэлцлийг бэхжүүлэх бага хуралд оролцохоор Шанхай хотод газардсан тухай “ВВС” агентлаг мэдээллээ.

Ерөнхийлөгчийг тус улсын Ерөнхий сайд Вен Зябао хүлээн авч, чуулга уулзалт болж буй Шанхайн төв ордон руу хамтдаа явсан байна.

5

Путин энэхүү айлчлалаа хоёр орны харилцааны бүхий л салбарын хамтын ажиллагаанд шинэ түлхэц болно гэж найдаж байгаагаа хурлын эхэнд мэдэгджээ.

Тэрээр “Ажил хэргийн сайн, хувийн нөхөрсөг харилцааг холбож байдаг Си Жинпинтэй дахин уулзсандаа тун баяртай байна. Бид өмнө нь тохиролцсон яриа хэлцэл хэрхэн хэрэгжиж буйг ярилцаад, цаашдын зорилтуудаа тодорхойлж, хамгийн гол нь хоёр оронд хэрэгтэй гэрээг байгуулна” гэжээ.

6

Украинаас салан тусгаарласан Крымийн асуудлаас үүдэн Барууны орнуудтай Оросын харилцаа хурцдаж, Путиныг олон улсын тавцанд хязгаарлаж байгаа энэ үед түүний Хятадад хийх айлчлал олон улсын анхаарлын төвд ороод буй.

Хятадын төрийн мэдлийн “Синьхуа” агентлагийн мэдээлснээр “Путины гадаад, дотоод чансаа нь өсч буй үед барууны хоригийг сэтэлсэн бас нэг алхам нь энэхүү айлчлал боллоо” хэмээжээ.

5

Б.Дэлгэрцэцэг