Монгол Улсын нэгдсэн төсвийн 2014 оны төсвийн хүрээний мэдэгдэл, 2015-2016 оны төсвийн төсөөллийн тухай хуульд өөрчлөлт оруулах тухай хуулийн төслийн хэлэлцүүлгийг хийх үеэр гишүүдийн дунд ширүүхэн маргалдаан өрнөж байв. Зарим гишүүд урсгал зардлыг танахыг дэмжиж байгаа бол зарим тохиолдолд нэмэгдүүлэх шаардлагатай гэж үзэх эрхмүүд ч байлаа.

өа

Гэхдээ гишүүд нэг зүйл дээр санал нэгдэж байсан юм. Энэ нь мөнгө хаанаас босгох талаар гарц хайцгаан, санал хэлцгээсэн. Санхүүгийн эх үүсвэрийн дутагдал энэ Засгийн газар бус өмнөх парламентын үеэс эхтэйг гишүүд хэлж байв.

өа

Харин УИХ дахь МАН-ын бүлгийн дарга С.Бямбацогт "уул уурхайгаас орж ирэх орлогоо урьдчилж зээлээд тараагаад өгчихлөө гэнэ. Тэр үед эдийн засаг гайгүй байсан юм шүү"  гэж хамгаалж байгаа харагдсан.  Өмнөх парламентын эрх баригчид хэзээ нэг цагт ямар үр дүн гарахыг тооцоолж байсан ч сонгуулийн амлалтдаа хүрэхийн тулд улс орны эрх ашгийг өмнөө тавиагүй нь өнөөдрийн эдийн засгийн уналт нотолж байгаа биз.

өа

Урьдчилгаа зээлээс үүдсэн гэх  өнөөдрийн эдийн засгийн хямралын буруутанг эрхэм гишүүд бие биенээсээ мөн ч их хайх юм даа.

өа

Н.Нягт