Хан-Уул дүүргийн IX хорооны 4.6 га газарт баригдсан “Буянт-Ухаа 1” хороолол нь есөн давхар 28 барилгатай. Дөрвөн барилгын дунд газар дор 425 машины дулаан зогсоолтой. Мөн хүүхдийн тоглоомын талбайтай, 120 хүүхдийн цэцэрлэг, 380 ам метр талбайтай үйлчилгээний төвтэй цогцолбор хороолол юм.

ы

Тэгвэл дараачийн хороолол нь буюу “Буянт-Ухаа 2” хорооллын шав тавих ёслол боллоо. Тодруулбал, “Буянт-Ухаа 1” хорооллоос дөрөв дахин том буюу 7500 айлын орон сууцтай тус хорооллын ажлыг энэ хавраас эхлүүлэхээр газрын асуудлыг нь шийдэн, судалгаа, шинжилгээг хийж  дуусчээ. “Буянт-Ухаа” спорт цогцолборын баруун урд талын 28 орчим га газарт тус хорооллыг барих зураг төсөл, ерөнхий төлөвлөгөөгөө гарсан гэнэ.ы

Дашрамд дуулгахад, “Буянт-Ухаа 1” хороололд оршин суух сугалаанд оролцсон иргэдээс нийт 1545 иргэн азтан болсноос өнөөдрийн байдлаар 1300 гаруй иргэд өөрийн орон сууцны сонголтыг хийсэн аж. Эдгээрээс 300 гаруй иргэд орон сууцны урьдчилгаа төлбөр 30 хувийг төлж сонгосон байраа баталгаажуулаад байгаа аж. Урьдчилгаа төлбөрөө төлсөн иргэд 2014 оны тавдугаар сарын 26 буюу өнөөдрөөс эхлэн Төрийн орон сууцны корпораци дээр өөрийн биеэр ирж орон сууцны захиалгын гэрээг байгуулах боломжтой юм байна.

ый

П.Наран