Тавдугаар сард ихэнх их дээд болон дунд сургуулиудын оюутан, сурагчид төгсөлтийн баяр тэмдэглэдэг. Төгсөгчид анги хамт олноороо амралт зугаалгад явах зэргээр архидан согтуурдаг. Үүнээс болж зарим тохиолдолд оюутан, сурагчид болзошгүй гэмт хэрэгт холбогдох болон өртдөг.

а

Тэднийг хэрэг зөрчилд холбогдох, өртөхөөс сэргийлэн ЦЕГ болон нийслэлийн Цагдаагийн газар хамтран “Хонхны баяр” арга хэмжээг зохион байгуулдаг. Энэ жилийн арга хэмжээ энэ сарын 18-нд эхэлсэн ба ирэх зургаадугаар сарын нэгний өдөр өндөрлөх юм байна. “Хонхны баяр” арга хэмжээний хүрээнд нийслэлд үйл ажиллагаа явуулан, архи согтууруулах ундаагаар үйлчилдэг 800 гаруй аж ахуй нэгжид шалгалт хийж, хуулийн дагуу ажиллах албан мэдэгдэл хүргүүлжээ. Шалгалтын явцад зөрчил илэрсэн 31 аж ахуй нэгж, есөн иргэнд зургаан сая гаруй төгрөгийн торгууль ногдуулсан байна.

а

Түүнчлэн Улаанбаатар хотын ойр орчмын амралтын газруудад тогтмол хяналт шалгалт хийж буй аж. Одоогоор төгсөлтийн баяртай холбоотой ноцтой хэрэг зөрчил гараагүй байгаа тухай мэдээллээ. Мөн ЕБС-ийн сурагчдыг төгсөлтийн баяр тэмдэглэхгүй байхыг уриалсан юм.

а

Б.Буд