Хятадын баруун хойд хэсэгт орших Шинжаан Уйгарын автономит мужийн цагдаа нар террорист халдлагын хэрэгт холбоотой байж болзошгүй хэмээн сэжиглэж 200 гаруй Уйгар хүнийг баривчилсан тухай “ВВС” агентлаг мэдээллээ. Шинжааны нийслэл Урумчи хотод цуврал дэлбэрэлт, үймээн самуун байнга гарах болсонд шашны хэт туйлшрагч бүлэглэлүүд буруутай гэж Хятадын эрх баригчид үзэж байгаа юм.

Цагдаа нар лалын шашинт Уйгуруудын оршин суудаг Хотан, Кашгар, Аксу хэмээх газруудад шалгалт явуулж дээрх хүмүүсийг баривчилсан гэж “Синьхуа” агентлаг мэдээлжээ. Байгалийн баялаг ихтэй Шинжаанд шилжин суурьшсан хятадууд болон уйгурууд байнга тэмцэлдэж, үймээн дэгдээдэг.

Б.Дэлгэрцэцэг