Хөдөлмөрийн зах зээлийн эрэлтэд тулгуурласан мэргэжилтэй чадварлаг ажилтан бэлтгэх, мэргэжлийн боловсролын тогтолцоог сайжруулж багш суралцагчдын ур чадвар мэдлэгийг сорих, дэлхийн түвшинд  таниулах, гадны улс орны туршлагаас сурах зорилгоор манай улс  Дэлхийн ур чадварын олон улсын байгууллагад 69 дэх гишүүнээр элссэн.

5

Дээрх байгууллагаас жил бүр “Дэлхийн ур чадвар” тэмцээнийг зохион байгуулдаг бөгөөд манай улсаас суралцагсдыг тодруулах зорилгоор Монгол ур чадвар-2014 тэмцээнийг 9-н мэргэжлээр хоёр үе шаттайгаар явуулж байгаа юм.

Тэмцээнээс шалгарсан Мэргэжлийн боловсролын сургалтын байгууллагын суралцагчид “Дэлхийн Ур чадвар” тэмцээнд оролцох бэлтгэлээ хангах зорилгоор БНСУ-д зургаан мэргэжлээр бэлтгэгдэх юм.

6

Өнөөдөр Ерөнхий сайд Н.Алтанхуяг тэмцээний хоёрдугаар шатанд шалгарсан  багш сурагчдын хийсэн бэлэг дурсгалын зүйлс, уурхайн гүнээс аврах тоног төхөөрөмж, модон эдлэлийн бүтээлтэй танилцаж тэдэнд амжилт хүслээ  гэж

Засгийн газрын Хэвлэл мэдээлэл, олон нийттэй харилцах албанаас мэдээллээ.