Жил бүрийн 6 дугаар сарын 1-нд тохиодог Олон улсын Хүүхдийн эрхийг хамгаалах өдрийг НЗДТГ-аас Чингисийн талбайд нэгдсэн байдлаар зохион байгуулах бол дүүрэг бүр өөр өөрсдийн сонгосон талбайд Хүүхдийн баярыг тэмдэглэх юм байна.

6 Тодруулбал, БЗД-ийн ЗДТГ-аас энэ сарын 31-ны өдрийн  10.00 цагт Үндэсний цэцэрлэгт  хүрээлэнд хүүхдийн баярт зориулсан үйл ажиллагаа зохион байгуулах аж. Харин  Баянгол дүүргээс 6 сарын 01-нд 10.00 цагаас 580 хүний бүрэлдэхүүнтэй баярын парадыг зохион байгуулах ба парад Төмөр замчдын дуу бүжгийн чуулгаас Улаанбаатар палас хүртэл жагсах юм байна.

6

Чингэлтэй дүүргийн Засаг даргын тамгын газар 06 дугаар сарын 01-нд 11.00-17.00 цаг хүртэл Зорилтот бүлгийн хүүхдүүдэд зориулсан нэгдсэн арга хэмжээг Тусгаар тогтнолын талбайд  зохион байгуулна. Тэгвэл Сонгинохайрхан дүүрэг Олон улсын хүүхдийн эрхийг хамгаадах өдөр 11⁰⁰-15⁰⁰ цагт хүүхдийн баярын  арга хэмжээг хороо тус бүрт нэгэн зэрэг зохион байгуулахаар болжээ.

6

Б.Буд