Гоо сайхны олимп гэгддэг “Дэлхийн мисс” уралдааны 2013 оны ялагч Филиппиний гоо бүсгүй Меган Ян тэмцээнд хамт оролцсон Украины гоо бүсгүй Анна Заячковскаяд захиа бичсэн тухай “lifestyle.in.com” мэдээллээ. Захидалд “Украины гоо бүсгүй Анна Заячковская танд энэ өдрийн мэнд хүргье. Украинд өрнөж буй үймээн самууны улмаас олон хүн амиа алдсанд харамсч байна. “Дэлхийн мисс” холбооноос үүрэг өгсний дагуу энх тайвныг бий болгоход тус нэмэр болохыг танаас хүсье. Эмэгтэйчүүд, хүүхдүүдийн эрхийг хамгаалахыг тулд дуу хоолойгоо хүргэхийг хүсч байна” гэж бичжээ.

5

Анна Заячковская Украиндаа нэлээдгүй алдаршсан фото модель бөгөөд өнгөрсөн оны арванхоёрдугаар сард Орос руу гэрээт моделиор ажиллахаар хилийн дээс алхсан юм. Харин дэлхийн мисс Меган Ян Британий нийслэл Лондон хотод байрлах НҮБ-ын дэргэдэх “Эмэгтэйчүүдийн сан” байгууллагад төлөөлөгчөөр ажиллаж буй.

6

Б.Дэлгэрцэцэг