Гудамж төслийн хүрээнд 2013 онд нийслэлд 18 уулзварын шинэчлэл, Чингисийн өргөн чөлөө болон Хүй долоон худгийн Монгол наадмын цогцолборт  50 тэрбум төгрөгийн бүтээн байгуулалтын ажил хийжээ. Шинэчилсэн уулзваруудаас гарч байгаа хэмнэлт, эдийн засгийн үр өгөөжийг тооцоход цаг хугацааны болон шатахууны хэмнэлт, машин техникийн эвдрэл элэгдлийн хэмнэлтээс нэг уулзварт 1-1.3 тэрбум төгрөг, нийт 19.3 тэрбум төгрөг хэмнэгдэж байна.

а

Энэ онд Улаанбаатар хотод 12 уулзварыг шинэчилнэ. Өргөтгөл шинэчлэл нь эхлээд байгаа 100 айлд л гэхэд  зорчих хэсгийн эгнээг нэмэгдүүлэхээс гадна бүх чиглэлдээ саадгүй зорчих боломжтой болгож, хөдөлгөөний зохион байгуулалтад өөрчлөлт оруулахаар төлөвлөжээ. Мөн Энэбишийн өргөн чөлөө, ахуйн үйлчилгээний уулзвар болон “Цэцэг” төвийн уулзварыг дөрвөн замын уулзвар болгон өргөтгөснөөр автозамын ачаалал тодорхой хэмжээгээр буурна гэж тооцоолжээ.

а

Хурдны зам дэд төслийн хүрээнд “Туул” болон “Сэлбэ” хурдны замын техник, эдийн засгийн үндэслэл, байгаль орчны ерөнхий болон нарийвчилсан үнэлгээг хийсэн байна. Уг ажлыг гүйцэтгэгчтэй энэ сарын 16-нд гүйцэтгэх компаниудтай гэрээ байгуулж, замын ажлыг эхлүүлэх аж.

ө

В.Бат