Хөрөнгө оруулалтын ажилтай танилцах боломж
“Ил тод худалдан авалт” нээлттэй өдөрлөг энэ баасан гаригт Чингисийн талбайд болно. Засгийн газрын Худалдан авах ажиллагааны газар болон нийслэлийн Худалдан авах ажиллагааны газар хамтран зохион байгуулж байгаа өдөрлөгийн үеэр 2013-2014 ондуудад төсвийн хөрөнгөөр хийсэн хөрөнгө оруулалтын ажлын явц, үр дүнгийн талаар мөн худалдан авах ажиллагаанд төрөөс хэрэгжүүлж буй бодлого, мэргэжлийн байгууллагуудын зүгээс нэвтрүүлж буй дэвшилтэд алхмуудыг иргэд, олон нийтэд тайлагнах юм байна. ө
Мөн энэ үеэр Татварын ерөнхий газар, ШӨХТГ зөвлөгөө мэдээлэл өгч, Цахим тендерт оролцох нууцлалын код авах, худалдан авах ажиллагаанд мэргэшүүлэх А3 сургалтад 50 хувийн хөнгөлөлттэй бүртгүүлэх боломжийг бүрдүүлэх аж. Бас дүүрэг тус бүрд хэрэгжих Олон нийтийн оролцоотой худалдан авалтын жагсаалттай танилцахаас гадна дүүрэг хороондоо хэрэгжиж буй хөрөнгө оруулалтын ажлын талаар дэлгэрэнгүй мэдээлэл авах боломжтой юм байна.
б
В.Бат
СЭТГЭГДЭЛ БИЧИХ