Их Британий хатан хаан II Элизабет шинэ сүйх тэрэгтэй болсон тухай www.dailymail.co.uk мэдээллээ.

Хатан хаан өнөөдөр парламентийн нээлтэд очихдоо шинэхэн сүйх тэргээ хөлөглөж иржээ.

Хатан хааны шинэ сүйх тэрэгний давуу тал нь бүх талдаа том цэлгэр цонхтой, эргэн тойрноо 360 градусаар тольдох боломжтой аж.

Английн хэвлэлүүдэд бичсэнээр “Очир эрдэнэ, шижир алт, үнэтэй модоор урласан  сүйх тэрэг нь 1000 жилийн өмнөх үед очсон мэт сэтгэгдэл төрүүлмээр байна” гэжээ.

Букингемийн ордноос “Гурван тонн жинтэй, 5.4 метрийн урттай сүйх тэргийг урлаж, угсрахад 50 гаруй хүн 10 жилийн турш ажилласан. Сүйхийн загварыг Австралийн иргэн 64 настай Жим Фреклингтон гаргасан. Сүйх тэрэгний ихэнх чимэглэлийг алтаар өнгөлж, гол хаалганд 24 ширхэг очир эрдэнийн  шигтгээ, 130 ширхэг Австралийн индранил чулууг байрлуулсан” хэмээн мэдээлэв.

Б.Дэлгэрцэцэг