УИХ-ын чуулганы нэгдсэн хуралдаанаар 2013  оны үндсэн чиглэлийн биелэлтийг хэлэлцэж байна. Хэлэлцэж байгаа асуудалтай холбогдуулан гишүүд саналаа хэлж байгаа юм. УИХ-ын гишүүн Л.Энх-Амгалан "Баригдаж дуусаагүй объектуудыг хэзээ барих вэ? Үндсэн чиглэлийг батлахдаа мөнгөний бодлогын биелэлтийг холбож өгмөөр байна. Төсөв, эдийн засгийн бодлого алдагдсанаас өнөөдрийн байдалд хүрээд байгаа. Засгийн газартай хариуцлага тооцдог механизмтай болмоор байна" гэсэн бол УИХ-ын гишүүн Д.Дэмбэрэл "2013 оны төсвийн гүйцэтгэлийг хэлэлцэж байна. Төсвийн хүрээний мэдэгдлийг биелсэн биелээгүй асуудал ярьдаг юм гэсэн өнгөтэй ярьж байгаад харамсаж байна. Макро түвшингээр үзүүлэлт нь байхгүй болжээ. Яагаад үзүүлэлт нь биелээгүй вэ гэхээр хамаагүй зүйл болжээ. ДНБ 17,3 хувь, инфляци 10 хувь болсныг байдаг зүйл гэж үзэж байна. ДНБ-ийг 19 хувьд, инфляцийг 9 хувьд барина гэж хэлсэн биз дээ. Яагаад биелүүлээгүй вэ? Засгийн газар асуудлыг дүйвүүлж байна. УИХ нь Засгийн газраа хамгаалаад байх юм. Засаг, төрийн ажил ингэж яваад байгаа нь үнэхээр харамсалтай. Энэ чинь улс, эдийн засгаа хохирооно. УИХ, Засгийн газрын хувьд дүгнэлт хийх хэрэгтэй. Асуудалд муу хандаж байна. Эдийн засгийн үзүүлэлт тасарсныг ажлаа муу хийснийх гэж дүгнэж байна" гэсэн байр суурьтай байлаа. Өнгөрсөн оны нийгэм, эдийн засгийн үндсэн чиглэлийн биелэлтийг гишүүд хангалтгүй  гэж шүүмжлэлж байсан юм.

:

Чуулганы хуралдаан үргэлжилж байна.

:

Н.Энх