УИХ-ын нэгдсэн чуулганы  үдээс өмнөх нэгдсэн хуралдааны үеэр  саяхан хэвлэлээр тодруулсан “шилдэг агентлаг”-уудын асуудал сөхөгдөв. Монгол Улсын Ерөнхий сайд Н.Алтанхуяг гишүүдийн асуултад  “Шилдэг агентлагуудыг  хэн, хаанаас шалгаруулсныг би мэдэхгүй. Шалгарлаа гэснийх нь төлөө гүйж очоод, тэр жаазыг нь авсан нь агентлагийн дарга нарын буруу. Хариуцлага тооцно” гэлээ.  Хажуугаас нь УИХ-ын дарга З.Энхболд “Тэр жаазыг чинь 10 сая төгрөгөөр худалдаж авсан гэсэн. Буцааж авахуулаад, улсын төсөвт тушаалгачих” хэмээн хатгах захирамжлахын завсар хэллээ.  Харин Ерөнхий сайд “10 сая төгрөгийн үнэтэй жааз гэж арай байхгүй байлгүй дээ. Тодруулъя” гэлээ.  Өнөөдөр  17.00 цагт хуралтай гэсэн. Хэрвээ төлбөр өгсөн бол “Шилдэг”-үүд ч донгодуулах  нь дээ.

Н.Нягт