Босни ба Герцеговиний шигшээ багийн довтлогч Эдин Жеко Ираныг 3:1-ээр хожсныхоо дараагаар төдийлөн баярласангүй. Хэдийгээр тэрбээр Ираны хаалганд гоол оруулж, баг нь хожсон ч гэсэн хэсгээсээ шалгараагүй тул гэрийн зүг одох л үлдсэн юм. Жеко тоглолтын дараагаар өмнөх тоглолтод Нигерийн хаалганд оруулсан гоолоо мартахгүй гэж хэлжээ. Тэр гоолыг Жеког отон тоглолтоос хийсэн гэж шүүгч үзэн тооцоогүй ч үнэн хэрэгтээ цэвэр гоол байсан билээ.

“Бид хожсон ч гэсэн гэр рүү гээ буцахаар боллоо. Уг нь цааш өрсөлдөхийг их хүсч байна. Нигерийн хаалганд оруулсан тооцогдоогүй гоолоо би насан туршдаа санаж явах болно” гэж Жеко өгүүлсэн байна.

Р.Гэгээ