Сүүлийн үед архидалт эрс ихсэж байгаа аж. Ялангуяа нийслэлд хотын хэмжээнд хүн ам харьцангуй их байдаг Сонгинохайрхан дүүрэгт архидалт их гардаг төдийгүй эрүүлжүүлэх байранд хоног төөрүүлж буй иргэдийн тоо ч нэмэгдсэн байна. Өдгөө манай улсын нэг хүнд ногдох архины хэмжээ 28 литрт хүрээд байгаа хэдий ч холбогдох байгууллага, албан тушаалтнууд ямар нэгэн арга хэмжээ авахгүй байгаатай холбоотой. Түүнээс гадна нийслэл хотод худалдааны үйл ажиллагаа явуулдаг найман нэрийн хүнсний дэлгүүрүүд архигүй өдөр буюу сар бүрийн нэгэнд ч архи худалдаалдаг нь архидалтад хамгийн ихээр нөлөөлж байгаа гэнэ.