Нийслэлийн Баянгол дүүргийн 20 дугаар хорооны нутаг “Авто дизель” ХХК-ийн 30х20 метрийн хэмжээтэй 30 автомашины гражын дээвэр шатжээ. Граж дотор байсан 01-96 УБЧ улсын дугаартай “Toyota Land cruiser-75” маркийн автомашин, 07-88 УБЯ улсын дугаартай “Delica” маркийн автомашинууд бүрэн, 16-39 УБИ улсын дугаартай “Isuzu” маркийн автомашин, 60-91 УНК улсын дугаартай “Grand mark-II” маркийн автомашин, 45-04 УНЗ улсын дугаартай “Toyota kauger” маркийн автомашинууд шатаж байсан байна. Энэхүү ослын газарт  аврах гал унтраах 26-р ангийн тасаг, нэмэлтээр  аврах гал унтраах 10 дугаар ангийн тасаг ажиллажээ. Уг гал түймрээс 11 машиныг хамгаалж чадсан байна.  Гал юунаас болж гарсаныг тогтоохоор мэргэжлийн хүмүүс ажиллаж байгаа юм. Ц.Батука