Монгол Улсын хойд хил дэх автозамын шалган нэвтрүүлэх Алтанбулаг боомтыг 24 цагийн ажиллагаатай болгохоор Засгийн газраас шийдвэрлэж, шаардагдах хөрөнгө оруулалтын болон хилийн хяналтын байгууллагуудад нэмэгдэх орон тоо, төсвийн зардлын асуудлыг шийдвэрлэхийг Эдийн засгийн хөгжлийн сайд Н.Батбаяр, Сангийн сайд Ч.Улаан нарт даалгаж байсан юм.

Энэхүү ажил биелэлээ олж 2014 оны 7 дугаар сарын 1-нээс 24 цагийн ажиллагаанд шилжлээ. Уг боомт өмнө нь өдөр бүр 09.00-18.00 цагийн хооронд ажиллаж байсан юм.

Алтанбулаг боомт 24 цагийн ажиллагаатай болсноор Гаалийн байгууллага хяналт бүрдүүлэлтийн үйл ажиллагаагаа мөн тасралтгүй 24 цагт шилжүүлж байгаа бөгөөд Байгаль нуур тийш аялах Монгол жуулчдын тоо эрс нэмэгдэнэ гэж хойд хөршийнхөн үзэж байгаа бол "Алтанбулаг" худалдааны чөлөөт бүсэд ОХУ-аас хийх худалдааны эргэлт нэмэгдэнэ гэж манай талаас үзэж байна.

₮:"

П.Наран