“Төмөр хүн”, “Шерлок Холмс” киноны гол дүр холливудын нэрт жүжигчин Роберт Даунигийн хүү 20 настай Индио хар тамхины хэргээр Нью Йорк хотын цагдаа нарт баригдсан тухай “www.dailymail.co.uk” мэдээллээ.

Энэ сарын 1-нд түүнийг нэгжих үеэр хар тамхи илэрсэн тул цагдаагийн хэсэг рүү авч явжээ.  Индиогийн найзын машинаас хар тамхи болон сэтгэцэд нөлөөлөх эм илрүүлсэн байна. Харин хар тамхины уутан дээр /Индио-д/ гэж бичсэн нь сэжиг төрүүлсэн хэмээн цагдаагийн газраас мэдэгджээ.

Өнгөрсөн шөнө жүжигчин залуу хүүгээ 10 мянган ам.долларын барьцаа өгч, суллуулсан аж.

Жүжигчин Робертын хувьд ч өмнө нь тамхи хэрэглэсэн, тээвэрлэж явсан хэргээр 10 гаруй удаа цагдаад баригдаж, хагас жил шоронд сууж, 4-5 удаа хар тамхины эмчилгээнд хамрагдаж байсан удаатай.

Б.Дэлгэрцэцэг