Украины зүүн хязгаарын Донецк хотод буутай этгээдүүд гурван замын цагдаагийн аминд хүрчээ. Гэрчүүдийн мэдээлсэнээр “Улсын дугааргүй хар өнгийн машин унасан буутай этгээдүүд хөдөлгөөн зохицуулж байсан гурван замын цагдааг 2-3 удаа буудаж, шархтуулаад зугтаасан. Машинд 4-5 хүн байсан бөгөөд бүгд нүүрээ алчуураар далдаж, шил зүүсэн байсан” гэжээ. Гурван цагдаагийн хоёр нь газар дээрээ амиа алдсан бол нэг нь эмнэлэгт хүргэгдэх замдаа шархаа дийлэлгүй нас барсан гэнэ.

1

Украины Ерөнхийлөгч Петр Порошенко энэхүү халдлагыг Оросын талыг баримтлагчид үйлдсэн хэмээн буруутгасан байна. Харин Донецк хотын лидер Денис Пушилин “Дээрх халдлагад Оросын талыг баримтлагчдыг буруутгах ямар ч үндэслэл байхгүй. Украины арми иргэдийг айдаст автуулахын тулд цагдаа нарыг буудсан” хэмээн мэдэгджээ.

1

Б.Дэлгэрцэцэг